बुटवल,असार १० ।

सर्वोच्च अदालतले शिक्षक सरूवाको निर्णय तत्काल कार्यान्वयन नगर्न गुल्मीको छत्रकोट गाउँपालिकाको नाममा अन्तरिम आदेश दिएको छ ।

शिक्षा विज्ञान तथा प्रविधि मन्त्रालय सिंहदरबार समेतलाई बिपक्षी बनाई शिक्षक दिपक शाहीले दायर गरेको उत्प्रेषणयुक्त परमादेश मुद्दाको प्रारम्भिक सुनुवाइ गर्दै सर्वोच्च अदालतका न्यायाधीश हरिप्रसाद फुयालको इजलासले उक्त निर्णय तत्काल कार्यान्वयन नगर्न नगराउन अल्पकालीन अन्तरिम आदेश जारी गरेको हो ।

उक्त मुद्दामा निवेदकको माग बमोजिम अन्तरिम आदेश जारी गर्नु नपर्ने कुनै कारण भए बाटोको म्याद बाहेक १५ दिन भित्र महान्यायाधिवक्ताको कार्यालय मार्फत लिखित जवाफ पेस गर्न समेत इजलासले बिपक्षीलाई आदेश दिएको छ ।

साथै अन्तरिम आदेशलाई निरन्तरता दिने वा नदिने भन्ने बिषयमा छलफलका लागि सर्वोच्चले आगामी साउन १३ गतेका लागि पेशी तोकेको छ ।

यसअघि निवेदकको पक्षबाट बरिस्ठ अधिवक्ता खम्बबहादुर खाती र अधिवक्ता अनिता शर्माले बहस गरेका थिए ।जिल्लाको छत्रकोट गाउपालिका अन्तर्गतको एक विद्यालयमा कार्यरत शिक्षक दिपक कुमार शाहीले आफुलाई प्रतिशोधका आधारमा सरूवा गरिएकोले उक्त निर्णय कार्यान्वयन नगर्न नगराउन उत्प्रेषणयुक्त परमादेशको माग गर्दै सर्वोच्चमा रिट दायर गरेका थिए ।

नागरिक अनलाइन

लेखकबाट थप

• मंगलवार, आषाढ १० २०८२०५:४८:५४

• Tags:

  # छत्रकोट गाउँपालिका # शिक्षक सरूवा

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...