काठमाडौं, जेठ २९।

भारतमा बिहीबार दिउँसो जहाज दुर्घटना हुँदा कम्तिमा ५० जनाको मृत्यु भएको छ।भारतीय पत्रिका दैनिक भास्करका अनुसार दुर्घटनास्थलबाट ५० जनाको शव निकालिएको छ।एयर इन्डियाको उक्त जहाजले गुजरात राज्यको अहमदाबादस्थित सरदार वल्लभ भाइ पटेल अन्तर्राष्ट्रिय विमानस्थलबाट आज दिउँसो १स्३८ बजे बेलायतका लागि उडान भरेको थियो।

जहाज टेकअफ गर्नेबित्तिकै दुर्घटनामा परेको भारतीय सञ्चारमाध्यमहरूले जनाएका छन्।दैनिक भास्करले जहाज उडेको दुई मिनेटमै दुर्घटनामा परेको उल्लेख गरेको छ।

साथै हिन्दुस्तान टाइम्सले टेकअफको पाँच मिनेटमा जहाज दुर्घटना भएको उल्लेख गरेको छ।सामाजिक सञ्जालमार्फत सार्वजनिक भिडिओमा उडिरहेको जहाज तल खसिरहेको देखिन्छ। त्यसपछि घरमा ठोक्किएको दैनिक भास्करको समाचारमा उल्लेख छ।

जहाजमा २ जना पाइलटसहित क्याबिन क्रूका १० सदस्य र २३०  यात्रु थिए।हिन्दुस्तान टाइम्सको समाचारमा जहाजमा गुजरातका पूर्वमुख्यमन्त्री विजय रूपणी सवार थिए भनिएको छ।

दैनिक भास्करले पनि जहाजमा रहेका यात्रुहरुको सूची सार्वजनिक गरेको छ। जसमा विजय रूपणीको नाम उल्लेख छ। उनी पूर्वमुख्यमन्त्री नै हुन् कि अरू नै व्यक्ति हुन् भन्ने पुष्टि हुन बाँकी छ। 

घटनास्थलमा उद्धारकर्मीहरू खटिएका छन्।

नागरिक अनलाइन

लेखकबाट थप

• बिहिवार, जेठ २९ २०८२०३:३३:२८

• Tags:

  # एयर इन्डियाको जहाज

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल