बुटवल,बैसाख २६ ।
पाल्पाको सिद्धबाबा क्षेत्रमा बिहीबार बेलुकी भएको टिपर दुर्घटनामा चालकको मृत्यु भएको छ ।

पाल्पाको तिनाउ गाउपालिका–३, दोभान सिद्धबाबा ड्याम साईड नजिकै भएको दुर्घटनामा चालक रुपन्देहीको सियारी गाउपालिका–२, का २६ वर्षीय प्रभाकर यादवको मृत्यु भएको जिल्ला प्रहरी कार्यालय पाल्पाले जनाएको छ । 
बुटवलबाट पाल्पातर्फ आउदै गर्दा लु १ क २५१७ नम्बरको रित्तो टिप्पर दुर्घटनामा परेको हो ।

टिप्परको अचानक टायर पञ्चर भई अनियन्त्रीत हुदा सडकबाट झण्डै ६५ मिटर तल तिनाउ खोलाको किनारमा खस्न गई दुर्घटना भएको जिल्ला प्रहरी कार्यालयका प्रहरी नायव उपरीक्षक सुनिल मल्लले जानकारी दिएका छन् । 
दुर्घटना हुदा चालक यादब गम्भीर घाइते भएको र प्रहरी चौकी दोभानबाट खटेको प्रहरी टोलीले उद्दार गरी उपचारका लागि लुम्बिनी प्रादेशिक अस्पताल बुटवल पठाएको हो ।

प्रादेशिक अस्पताल पु¥याइएका गम्भीर घाइते यादवको चिकित्सकले जाच गर्दा मृत घोषणा गरेको प्रहरीले जनाएको छ । दुर्घटनाका विषयमा थप अनुसन्धान भइरहेको छ ।

नागरिक अनलाइन

लेखकबाट थप

• शुक्रवार, बैशाख २६ २०८२०८:२६:०६

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण