गुल्मी,  बैशाख २४  । 

गुल्मीको गुल्मीदरबार गाउँपालिकामा कपडा बैंक स्थापना गरिएको छ ।

गुल्मीदरबार गाउँपालिका र कपडा बैंकसँगको लागत साझेदारीमा कपडा बैंक स्थापना गरिएको गाउँपालिका अध्यक्ष सरोज कुमार थापाले जानकारी दिनुभएको छ ।

उक्त कपडा बैंकको लुम्बिनी प्रदेशका आर्थिक मामिला तथा योजनामन्त्री धनेन्द्र कार्कीले एक कार्यक्रमका बीच उद्घाटन गर्नु भएको थियो ।
मन्त्री कार्कीले आफुहरुसँग भएका वस्तुहरूलाई प्रयोगमा ल्याउन नजान्दा आर्थिक उन्नतिमा पछाडि परेको बताउँदै कपडा बैंकको स्थापनाले प्रयोगमा नआएका कपडाहरू पनि पुनः प्रयोगमा आउने र त्यसले असहाय तथा विपन्न व्यक्तिलाई ठूलो सहयोग पुग्ने बताउनु भयो ।
कार्यक्रममा गाउँपालिका अध्यक्ष सरोज कुमार थापाले पालिका भित्र रहेका काम नलाग्ने कपडाहरुलाई प्रशोधित गरि पुनः प्रयोगमा ल्याउने कार्यमा सहयोग गरेको भन्दै कपडा बैंकका संस्थापकहरुलाई धन्यवाद दिनुभएको थियो ।

सोही कार्यक्रममा गाउँपालिका उपाध्यक्ष तारा थापा ढेंगाले पालिकामा स्थापना गरिएको कपडा बैंकबाट विपन्न नागरिकहरूलाई सहज हुने बताउनु भयो ।
आफ्नो घर टोल र समाजलाई सफा राखौं, कोही कपडा विहिन नरहुन् भन्ने मुलमन्त्रलाई आत्मसात गर्दै अन्य पालिकाहरुमा जस्तै गुल्मीदरबार गाउँपालिकामा पनि कपडा बैंकको स्थापना गरिएको कपडा बैंकका अध्यक्ष कमला जिसिले बताउनु भयो ।

जिसीले प्रयोगमा नआएका कपडाहरु पुनः प्रशोधन गरेर संस्थाको तर्फबाट आवश्यक पर्नेहरूलाई निशुल्क रुपमा बितरण गरिदैं आएको बताउनु भयो ।
२०८१ सालमा स्थापना गरिएको कपडा बैंक अहिले देशभरका १६० भन्दा बढि स्थानीयतहमा पुगेको जिसिको जानकारी दिनुभयो । महानायक राजेश हमाल संरक्षक रहनु भएको उक्त कपडा बैंकले प्रयोगमा नआएका कपडाहरूलाई पुनःप्रशोधन गरेर बितरण गर्दैै आइरहेको छ ।

नागरिक अनलाइन

लेखकबाट थप

• बुधवार, बैशाख २४ २०८२१०:३०:४९

• Tags:

  # कपडा बैंक # गुल्मी दरबार गांउपालिका

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी