देवदह,चैत २६ ।

नेपाल जेसिजको ‘एरिया डी प्रेसिडेन्ट मिट–२०२५’ देवदहमा हुने भएको छ ।

देवदहको ऐतिहासिक, सांस्कृतिक र पर्यटन महत्वलाई उजागर गर्न र युवालाई व्यवसायिक तथा नेतृत्व विकासतर्फ आकर्षित गर्न एरिया डी प्रेसिडेन्ट मिट देवदहमा आयोजना गरिएको  जनाइएको छ ।

नेपाल जेसिसका प्रमुख सल्लाहकारसमेत रहेका देवदह जेसिसका संस्थापक अध्यक्ष विजय गुरुङले देवदहको समृद्धि र उद्यमशीलता दुबै एजेन्डालाई संगै अघि बढाउने संकल्पसहित कार्यक्रमको तयारी गरिरहेको बताए । 'यो ऐतिहासिक अवसर हो, यसले देवदहको आवाज देशव्यापी बनाउनेछ' उनले भने । 

देवदहको गरिमा र गौतम बुद्धको जीवनसँग जोडिएको ऐतिहासिक गाथालाई केन्द्रमा राख्दै कार्यक्रम अगाडि सारिएको देवदह जेसिजका अध्यक्ष दीपक अधिकारीले जानकारी दिए । अध्यक्ष अधिकारीले पर्यटन प्रवर्धन र युवा उद्यमशीलतालाई केन्द्रमा राखेर कार्यक्रम आयोजना गरिएको बताए ।  

 'जेसिज १८ देखि ४० वर्ष उमेर समूहका युवाको सक्रिय सहभागिताबाट स्थापित संस्था हो, यसले सामाजिक रुपान्तरण र चेतनाको अभियानमा निरन्तर सक्रियता देखाउँदै आएको छ ।' उनले भने, 'अब युवा उद्यमशीलतालाई प्राथमिकतामा राख्न जरुरी छ ।'

प्रेस मिटमा बोल्दै जेसिसका एरिया डि निर्देशक सुरेन्द्र अधिकारीले चैत्र २९ र ३० गते दुईदिनसम्म हुने कार्यक्रममा ५८ वटा शाखाका अध्यक्षहरुको सहभागिता हुने बताए । पहिलो दिन कलाकार प्रदिप रोदन सहितका कलाकारहरुको उपस्थितिमा गजल साँझ हुने र दोस्रो दिन बिहान देवदहका पर्यटकीय स्थलको भ्रमण गर्ने कार्यक्रम राखिएको बताए। एरिया मिटमा सृजनशील युवा उद्यमबारे छलफल हुने जनाइएको छ ।  

प्रेस मिटमा स्थानीय जनप्रतिनिधि, सुरक्षा निकायका प्रमुखसहित जेसिसका विभिन्न शाखाका अध्यक्ष र पदाधिकारीको उपस्थिति रहेको थियो ।

नागरिक अनलाइन

लेखकबाट थप

• मंगलवार, चैत्र २६ २०८१०८:५०:२८

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल