बुधवार, चैत्र १३ २०८१

सडक दुर्घटनामा तिलोत्तमा २ का जनप्रतिनिधि पाठकको मृत्यु

नागरिक अनलाइन

1.9K

सडक दुर्घटनामा तिलोत्तमा २ का जनप्रतिनिधि पाठकको मृत्यु

बुटवल, चैत १३ ।

रुपन्देहीको तिलोत्तमा नगरपालिकाका कार्यपालिका सदस्य तथा वडा नं २ का सदस्य खेमराज (रामकृष्ण) पाठकको दुर्घटनामा मृत्यु भएको छ ।

तिलोत्तमा नगरपालिका– २ जानकीनगरका स्थायी बासिन्दा पाठक जानकीनगरबाट बुटवल जाने क्रममा बुटवल उपमहानगरपालिका– १० चौराहमा दुर्घटनामा परेका थिए ।

इलाका प्रहरी कार्यालय बुटवलका अनुसार बुधबार दिउँसो उनले चलाएको लु ३६ प ८४४८ नम्बरको मोटरसाइकलले बा ०१०३१ च ५००२ नम्बरको कारलाई उछिन्ने क्रममा दुर्घटना भएको थियो ।

दुर्घटनामा गम्भीर घाइते भएका पाठकलाई उपचारका लागि लुम्बिनी प्रादेशिक अस्पताल लगिएकोमा चिकित्सकले मृत घोषणा गरेका थिए । उहाँका छोराहरु क्यानडा रहेकाले अन्त्येष्टि कहिले र कहाँ गर्ने टुंगो नलागेको आफन्तले जनाएका छन् ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)