बुटव,फागुन २५ ।
११५औँ अन्तर्राष्ट्रिय नारी दिवसको अवसरमा मानवअधिकार तथा शान्ति समाज रुपन्देहीको आयोजनामा नागरिक संवाद कार्यक्रम सम्पन्न भएको छ।

समाजका जिल्ला सभापति अर्जुन ज्ञवालीले महिला अधिकार स् मानवअधिकार तथा नेपाल नागरिकता ,दोस्रो संसोधन विधेयक (२०८१) शिर्षकमा शान्ति समाजको अवधारणा पत्र प्रस्तुत गरेका थिए । सो अवधारणा माथि नागरिक संवाद भएको थियो।

प्रमुख अतिथि नेपाली कांग्रेस लुम्बिनी प्रदेश प्रमुख सचेतक समेत रहेकी लुम्बिनी प्रदेश सभा सदस्य जमुना ढकालले नागरिक संवादमा सम्बोधन गर्दै शान्ति समाजले अन्तर्राष्ट्रिय नारी दिवसको अवसरमा निकै महत्त्वपूर्ण विषय उठान गरेकोमा सराहना गर्दै नागरिकता सम्बन्धि समस्याको समस्या अबिलम्ब समाधान गरिनुपर्नेमा जोड दिए । उनले नागरिकता नपाउदा बैंक खाता खोल्न,सिम निकाल्न, जग्गा किन्न लगायत धेरै क्षेत्रमा महिलाहरु एवं सम्बन्धित बर्ग बन्चित हुनुपरेको उल्लेख्य गरे । आफुहरुले सदनमा कुरा उठाउदै आएको र पुरा नभएसम्म उठाइराख्ने बताए |
प्रमुख वक्ता मानवअधिकार तथा शान्ति समाजका केन्द्रिय पुर्वसभापति गोविन्द खनालले महिलाको समानता, सहभागिता, सरसम्मान, आर्थिक निर्णयको अधिकार, चुनावमा प्रत्यक्ष लड्ने बाताबरण बनाउन सबै लाग्नुपर्नेमा जोड दिए। उनले नेपालले प्रत्येक नागरिकको मानवअधिकार संरक्षणको लागि अन्तर्राष्ट्रिय मंचमा गरेका महासन्धिहरु कार्यान्वयन गर्नुपर्ने उल्लेख गरे ।

विशिष्ट अतिथि राष्ट्रिय मानवअधिकार आयोग लुम्बिनी प्रदेश प्रमुख हरि ज्ञवालीले नागरिकता बिहिन भएर राष्ट्रियता बिहिनको अवस्थालाइ अन्त्य गर्न शान्ति समाज लगायतका अधिकारकर्मीसग सदैव सहकार्य गर्ने प्रतिबद्धता व्यक्त गरे ।

राससका पुर्व अध्यक्ष डाक्टर बालकृष्ण चापागाईं, शान्ति समाजका केन्द्रिय सचीव (लुम्बिनी प्रदेश) डिपि खनाल, वडा अध्यक्ष यज्ञ पङ्गेनी, महिला अधिकारकर्मी रिता सेन, बह्रमाकुमारी मोनिला, विष्णु भण्डारी लगायतले महिला श्रमिक तथा आम गरिखाने महिलाको न्यायको लागि सबै एक जुट हुनुपर्नेमा जोड दिए ।

कार्यक्रममा संचारीका समुह नेपाल रुपन्देहीको अध्यक्ष मिना ढकाल, शान्ति समाजको केन्द्रीय सदस्य रत्ना कंडेल, जिल्ला सदस्य केशवराज पाण्डे, कल्पना ढकाल, पुर्वउपसभापति कपिल ज्ञवाली, पत्रकार कल्पना डुम्रे ,छाया पन्थ, रिया केसी लगायतको उपस्थिति थियो ।

कार्यक्रम शान्ति समाजका सभापति अर्जुन ज्ञवालीको अध्यक्षता, निवर्तमान सभापति खिम प्रसाद भट्टराई (कृष्ण)को स्वागत, पुर्व सभापति हरिश ढकालको धन्यवाद ज्ञापन तथा उपसभापति कृष्ण पाण्डेको संचालनमा सप्पन्न भएको थियो ।

नागरिक अनलाइन

लेखकबाट थप

• आइतवार, फाल्गुण २५ २०८१०८:३८:२८

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण