शनिवार, माघ २६ २०८१

बल्कोट प्रहरी चौकीको नवनिर्मित भवन उद्घाटन ,२ करोड ९२ लाख लागत

नागरिक अनलाइन

855

बल्कोट प्रहरी चौकीको नवनिर्मित भवन उद्घाटन ,२ करोड ९२ लाख लागत

अर्घाखाँची,माघ २६ ।

अर्घाखाँची जिल्लाको छत्रदेव गाउँपालिका–२ मा रहेको बल्कोट प्रहरी चौकीको नवनिर्मित भवनको उद्घाटन भएको छ ।

शान्ति सुरक्षा कायम गर्न अव्वल नेपाल प्रहरीलाई आधुनिक प्रविधियुक्त र प्रहरी सेवा सुविधा प्रभावकारी बनाउन भवन निर्माणले सहयोग पुग्ने छ ।
भवनको लुम्बिनी प्रदेश प्रहरी प्रमुख प्रहरी नायब महानिरीक्षक (डीआईजी) दान बहादुर कार्कीले भव्य कार्यक्रमका विच पञ्चेबाजा र वैदिक विधि पुर्वक पुजाआजा गरी गर्नु भएको हो । dan bahadur.jpg

भवन उद्घाटन गर्दै कार्कीले शान्ति सुरक्षामा अर्घाखाँची प्रहरीले महत्त्वपूर्ण भूमिका खेलेको बताउनुभयो । उहाँले प्रहरी जनताको साथी भएकाले समस्याको समाधानमा सक्रिय रहनुपर्नेमा जोड दिनुभयो ।प्रहरीले निडर, निष्पक्ष र जनउत्तरदायी सेवा दिनुपर्ने बताउँदै उहाँले अपराध नियन्त्रण र जनताको सुरक्षामा निरन्तर क्रियाशील रहन समेत निर्देशन दिनुभयो ।

नवनिर्मित प्रहरी चौकी भवन २ करोड ९२ लाखको लागतमा रन्जित रन्जन कन्ट्रक्सनले निर्माण सम्पन्न गरेको ईन्जिनियर प्रहरी नायब निरीक्षक रोशन सारुले जानकारी गराउनुभयो । argha khachi police (1).jpg

नयाँ भवन सञ्चालनमा आएपछि बल्कोट प्रहरी चौकीको सेवा प्रवाह थप सहज हुने विश्वास स्थानीय बासीले व्यक्त गरेका छन्। अबको दिनमा शान्ति सुरक्षाको प्रवर्धन र स्थानीय समुदायसँगको समन्वय अझै प्रभावकारी हुने स्थानीयको अपेक्षा रहेको छ । छत्रदेव गाउँपालिकाका अध्यक्ष चन्द्रमान श्रेष्ठले शान्ति सुरक्षामा प्रहरीको भूमिका अतुलनीय रहेको बताउँदै प्रहरी बर्दीधारी भए पनि जनता बिना बर्दीका प्रहरी भएको टिप्पणी गर्नुभयो ।

प्रमुख जिल्ला अधिकारी बाबुराम अर्यालले प्रहरी प्रशासन र स्थानीय बासी बीच सहकार्य आवश्यक रहेको औंल्याएका थिए । कार्यक्रम प्रहरी नायब निरीक्षक रबिन्द्र चन्दको स्वागत मन्तव्यबाट सुरु भएको थियो । जिल्ला प्रहरी कार्यालय अर्घाखाँचीका प्रमुख प्रहरी नायब उपरीक्षक चक्र बहादुर मल्लको अध्यक्षतामा सम्पन्न उक्त समारोहको सञ्चालन प्रहरी नायब निरीक्षक जगन्नाथ मरासिनीले गर्नुभएको थियो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)