बुटवल,माघ २२ ।

बुटवल उपमहानगरपालिका वडा नं १२ नयाँगाउँमा रहेको धार्मिक पर्यटकीय स्थल स्वामिनारायण मुक्तिनाथ धाममा आजबाटअठार पुराण तथा चार वेदको अनुष्ठान शुरु भएको छ ।

आज बिहान ११ बजेदेखि शोभा कलश यात्रासहित नगर परिक्रमा गरेपछि महायज्ञको उद्घाटन गरिएको हो ।महायज्ञको  बुटवल उपमहानगरपालिकाका प्रमुख खेलराज पाण्डेयले शुभारम्भ गर्नुभयो ।

सो अवसरमा बोल्दै उहाँले महायज्ञहरूले  धर्म संस्कृति र परम्पराको रक्षा र जन र जगतको कल्याण गर्ने धारणा राख्नुभयो ।महायज्ञमा पहिलो चरणमा चैतन्य कृष्ण र बालव्यास अनुराधा पाण्डे दोस्रो चरणमा अनुराधा देवी  र तेस्रो चरणमा आचार्य बिष्णु ज्ञवाली लगायतले संगीतमय कथा प्रवचन दिनुहुनेछ ।

हरेक दिन रुपन्देहीका स्थानीय पालिका प्रमुखहरुबाट उद्वाटन गराउने तालिका रहेको यस महायज्ञमा दीपप्रज्वलन , भजन कृतन तथा विभिन्न गोष्ठीहरु समेत आयोजना हुने मुक्तिनाथ धामका संरक्षक स्वामी लोकानन्दले बताउनुभयो ।

यसैगरी आजबाट दैनिक सन्ध्यामा महाआरती समेत हुने धामका अध्यक्ष बाबुराम महतले जानकारी दिनुभयो ।  फागुन ९ गतेसम्म संचालन हुने महायज्ञमा अठार पुराण तथा चार वेदको अनुष्ठान हुने हुँदा अरु यज्ञहरु भन्दा फरक रहेको महायज्ञ  सम्पादन मूल समितिका संयोजक डिल्लीप्रसाद शर्मा आचार्यले बताउनुभयो ।

हिजोमात्रै धाममा मुक्तिनाथ मंगल भवनको उपप्रधान तथा अर्थमन्त्री बिष्णु पौडेलले शिलान्यास गर्नुभएको थियो ।

• उपप्रधानमन्त्री पौडेलद्वारा मुक्तिनाथ धाममा मंगल भवन शिलान्यास,आजदेखि महायज्ञ

नागरिक अनलाइन

लेखकबाट थप

• मंगलवार, माघ २२ २०८१०५:३९:१८

• Tags:

  # महायज्ञ # स्वामिनारायण मुक्तिनाथ धाम

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा