बुटवल,माघ २१।

गुरुङ डाँडा व्यवस्थापन समिति बुटवलको आयोजनामा आगामी शुक्रबारदेखि विश्व शान्तिको कामना गर्दै कांग्युर(त्रिपिटक) पाठ बाचन अनुष्ठान यज्ञ सञ्चालन हुने भएको छ ।

माघ ३० गतेसम्म सञ्चालन हुने उक्त अनुष्ठानमारुपन्देहीसहित देशका विभिन्न जिल्लाहरुबाट ७७ हजार बढी भक्तजनले पूजा पाठका लागि सहभागी हुने अपेक्षागरिएको छ । 

बुटवलको चाँदबारीस्थित गुरुङ डाँडा व्यवस्थापन समितिको कार्यालयमै हुने अनुष्ठानमा बौद्ध विद्वान खेन रिन्पो शिरलामा गुरुबाट कांग्युर बाचन तथा पुण्य संचय विषयमा धर्म देशना हुने आयोजक समितिका संयोजक जमुना गुरुङलेजानकारी दिइन् । अनुष्ठान कार्यक्रममा हरेक दिन कांग्युर बाचन तथा पितृहरुको नाममा दान, पूजापाठ, दीपप्रज्जवलन लगायतका धार्मिक कार्यहरु हुने उनले जानकारी दिइन् । 

कांग्युर अनुष्ठान बारे जानकारी गराउन सोमबार आयोजित पत्रकार सम्मेलनमा बोल्दै गुरुङ डाँडा व्यवस्थापनसमितिका अध्यक्ष आशबहादुर गुरुङले सम्पूर्ण तयारी अन्तिम चरणमा पुगेको जानकारी गराए ।

अनुष्ठानमा कुनै पनिजातजातिले सहभागिता जनाउन सक्ने बताउँदै उनले गुरुङ समुदायको मात्र नभई सबै नेपालीहरुले पूजापाठमा सहभागीभए पीतृलाई मोक्ष प्रदान गर्नुका साथै विश्व जगतलाई शान्तिको कामना गर्न सकिने उल्लेख गरे । अनुष्ठान अन्तरगतसम्पूर्ण प्राणी जगतको मोक्षका लागि होम कार्यसमेत गरिने समितिका संस्थापक अध्यक्ष तथा संरक्षक सर्वराज गुरुङले बताए ।

बौद्ध दर्शन अनुसार सबैभन्दा ठूला अनुष्ठानको रुपमा रहेको टिंग्युरपछिको अनुष्ठा नै किंग्युर भएको बताउँदै समितिकानिर्वतमान अध्यक्ष तथा सल्लाहकार देवप्रसाद गुरुङले कम खर्चमा पनि मोक्ष प्राप्तिका लागि अनुष्ठानमा सहभागी हुनआह्वान गरे ।

समितिले २०७९ सालमा यज्ञहरु मध्येको सबैभन्दा सानो अनुष्ठान मानिने हिंयुपति गरेको थियो भने यसवर्ष कंग्युर अनुष्ठा गरेर आगामी वर्षमा सबैभन्दा ठूला मानिएको टिंग्युर गर्ने योजनामा रहेको सल्लाहकार झपटबहादुरगुरुङले बताए । 

यज्ञमा भोजन दानका लागि ७ हजार, नास्ता दानका लागि ४ हजार, चिया दानका लागि २ हजार, पुस्तक ठेलीबाचनका लागि १ हजार ५ रुपैयाँ, १०८ दीप प्रज्जवलनका लागि १ हजार ५ रुपैयाँ, मूल बत्तीका लागि ७ सय, ६ सय र५ सय रुपैयाँ दानशुल्क तोकिएको समितिका सहसचिव दलबहादुर गुरुङले जानकारी दिए ।

उनका अनुसार पूजा अनुष्ठानका लागि रकम संकलनको काम सुरु भइसकेको छ । सोमबार यज्ञका लागि मिनकाउरीगुरुङ र उनको परिवारबाट ३ लाख बढीका आर्थिक रकम प्राप्त भएको तथा संरक्षक सर्वराज गुरुङले १ लाख रकम दानघोषणा गरेको उनले जानकारी दिए ।

नागरिक अनलाइन

लेखकबाट थप

• सोमवार, माघ २१ २०८१०४:४९:२८

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण