काठमाण्डौं । पक्षघात भई लामो समयदेखि पोर्चुगलमा उपचाररत रहेका एक नेपाली युवाको उद्धार गरि स्वदेश पठाईएको छ । 

बिगत सात महिनादेखि पोर्चुगलको कोईम्ब्रा अस्पतालमा उपचाररत रहेका ललितपुरका २९ बर्षीय शिब श्रेष्ठलाई गैर आवासीय नेपाली संघ पोर्चुगलको बिशेष पहलमा उद्धार गरि स्वदेश पठाईएको हो । 

बैदेशिक रोजगारीका सिलसिलामा श्रेष्ठ एक बर्ष अगाडी कृषि कामदारका रुपमा पोर्चुगल पूगेका थिए ।

लामो समयदेखि यहांको अस्पतालमा उपचाररत श्रेष्ठलाई उनको परिवारको आग्रहमा उद्धार गरि शनिबार टर्कीस एरलाईन्सको जहाजबाट स्वदेश पठाईएको संघका महासचिव हेमराज सुवेदीले जानकारी दिए ।

संघका अध्यक्ष तिलक गैरेको समन्वयमा श्रेष्ठलाई उद्धार गरि भवानी शंकर कडेंलको साथमा स्वदेश पठाईएको उनले बताए । 

संघका बरिष्ठ उपाध्यक्ष भिमसेन थापा, कोषाध्यक्ष बिक्रमजंग कुँवर, सदस्य दीपक खत्री लगायतको टोली बिमानस्थल पूगेर स्वास्थ्यलाभको कामना सहित श्रेष्ठलाई बिदाई गरिएको महासचिव सुवेदीले बताए ।

नागरिक अनलाइन

लेखकबाट थप

• आइतवार, माघ ४ २०७७०८:३०:४०

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल