बुटवल,माघ ११ ।

अक्सफोर्ड माविका विद्यार्थीले शुक्रबार अन्तर्राष्ट्रिय फूड फेस्टिवल मनाएका छन् । बुटवल–७ सुख्खानगरमा रहेको अक्सफोर्ड माविमा कक्षा ११ र १२ मा होटल व्यवस्थापनतर्फ अध्ययन गर्ने विद्यार्थीले लाइभ म्युजिकसहित फूड फेस्टिवल मनाएका हुन् । 

विगत वर्षदेखि नियमित रुपमा फेस्टिवल गर्दै आएको अक्सफोर्ड माविले तेस्रो सँस्करणको रुपमा शुक्रबार आयोजित कार्यक्रममा विद्यार्थीले नेपालसहित, यूएसए, चाइना, भारत, इन्डोनेशियन, मेक्सिको र इटालियन टिपिकल परिकार तयार पारेका थिए । खाना महोत्सव तथा सांगीतिक कार्यक्रममा बोल्दै विद्यालयका प्राचार्य दिनेश भुसालले विद्यार्थीलाई कक्षा कोठाको सिकाईबाट बाहिर निस्कौं भन्ने मूल उद्देश्यका साथ प्रयोगात्मक अभ्यास गराइएको उल्लेख गरे ।

अक्सफाेर्ड माविले अंगिकार गरेको शिक्षालाई सीपसँग जोडौं, प्रविधिसँग जोडौं, व्यवहारसँग जोडौं र सँस्कारसँग जोडौं भन्ने मूल उद्देश्य अनुरुप विभिन्न अतिरिक्त क्रियाकलाहरु सञ्चालन हुँदै आएको भुसालले जानकारी दिए  ।

प्राध्यापक सुमन भुसालले फुड फेस्टिवल कार्यक्रम गर्नुको प्रमुख कारण विद्यालयमा सिकेको ज्ञान र सीपको प्रयोगसँगै विद्यार्थीहरुले आम्दानी कसरी गर्न सकिन्छ भन्ने व्यावहारिक ज्ञान समेत दिनको लागि कार्यकम आयोजना गरेको बताए ।

करिब ४ हजारको उपस्थितिमा भएको कार्यक्रममा १२ लाख बराबरको आर्थिक कारोबार भएको प्राध्यापक उमङ्ग पौडेलले बताए । कार्यक्रममा विद्यार्थीहरूले विभिन्न नृत्य तथा गीत प्रस्तुत गर्नुका साथै ब्यान्डहरू साँगितिक कार्यक्रम समेत रहेको थियो । 

अन्तर्राष्ट्रिय खाना महोत्सव कार्यक्रमबाट नाफा भएको रकम विद्यार्थीहरूले सामाजिक काममा प्रयोग गर्ने प्राध्यापक सुमन भुसालले बताए । कार्यक्रममा क्याम्पस प्रमुख मनोज मरासिनी, क्याम्पस अध्यक्ष अजित खनाल, दिप बोडिङ्ग स्कुलका प्राचार्य टिकाराम न्यौपाने, स्कलर्स होमका प्राचार्य बाबुराम बन्जाडे, पत्रकार महासंघ रूपन्देहीका उपाध्यक्ष विश्वास ढकाल, ड्रिम इन्टरनेश्नल होटलका अध्यक्ष तथा समाजसेवी गोपाल राना, साहिल्याण्ड होटलका अध्यक्ष नहकुल शाहि, बुटवल उपमहानगरपालिका शिक्षा शाखाका टिकाराम शर्मा, यादव पौडेल, विद्यालय ब्यवस्थापन समिति अध्यक्ष ललित खरेल लगायतको सहभागिता जनाउँदै विद्यार्थीले तयार पारेका परिकारको स्वाद लिएका थिए । कार्यक्रमको संयोजन प्राध्यापकद्वय उमङ्ग पौडेल र विवेक न्यौपानेले गरेका थिए । 

नागरिक अनलाइन

लेखकबाट थप

• शुक्रवार, माघ ११ २०८१०८:४६:२६

• Tags:

  # फूड फेस्टिवल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण