बुटवल,पुस २५ ।

त्रिभुवन आर्मी क्लबले बुटवलमा आयोजित मदन भण्डारी गोल्डकप इन्डो–नेपाल रनिङ सिल्ड पुरुष भलिबल च्याम्पियनसिप–२०८१ को उपाधि जितेको छ ।

बिहीबार बुटवल उपमहानगरपालिका–१० रामनगरमा भएको अन्तिम प्रतिस्पर्धामा नेपाल पुलिस क्लबलाई ३–२ को सेटमा पराजित गर्दै आर्मीले उपाधि जित्न सफल भएको हो ।

प्रतिस्पर्धामा आर्मीले पुलिसलाई १८–२५, २५–१८, २०–२५, २५–२२ र १५–७ को अंकमा पराजित गरेको हो । पहिलो सेट पुलिसले सजिलै जितेको थियो । दोस्रो सेटमा आर्मीका धनबहादुर भट्ट, धनपति कुँवर, दुर्गा खड्का र दुर्गा महतोले सजिलै आर्मीलाई पुनरागमन गराए र खेल बराबरी भयो । तेस्रो सेट पुलिसले आफ्नो खातामा पार्‍यो । पुलिसका रविन चन्द, रविन नगरकोटी, पहलमान गहतराज, सन्जुविक्रम शाहले उत्कृष्ट तालमेल गर्दै जित दिलाए ।

चौथो सेटमा दुवै टिमले उत्कृष्ट खेल देखाए । तर, पुलिसले जित निकाल्न सकेन । जित निकाल्न पुलिसका लागि आर्मीका धनबहादुर भट्ट ठूलो समस्या बने ।

भित्र र बाहिर दुवै तर्फबाट उनले गरेका शक्तिशाली प्रहारलाई प्रहरीले रोक्नै सकेन र खेल बराबरीमा पुग्यो । पाँचौं सेटमा प्रहरीले जित निकाल्ने अपेक्षा गरेको थियो । सुरुवाती चरणमा प्रहरीले अग्रता लिएको थियो । तर, लय गुमाउन लागेको आर्मीका खेलाडी त्यसपछि संयमित बने ।

नागरिक अनलाइन

लेखकबाट थप

• बिहिवार, पौष २५ २०८१०६:१७:०५

• Tags:

  # त्रिभुवन आर्मी

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण