बुटवल,पुस १७ ।

बुटवलमा आजदेखि छैटौं राष्ट्रपति रनिङ शिल्ड प्रतियोगिता सुरु भएको छ । प्रतियोगिताको मंगलबार बुटवलको दिपनगर स्थित सिद्वेश्वरी खेल मैदानमा एक बिशेष कार्यक्रमकाबीच बुटवलउपमहानगरपालिकाका नगर प्रमुख खेलराज पाण्डेयले उदघाटन गरे । सो अवसरमा नगर प्रमुख पाण्डेयले राष्ट्रपतिरनिङ शिल्ड प्रतियोगितालाई उपमहानगरपालिकाले गौरवको कार्यक्रमको रूपमा लिएको भन्दै सोही अनुसार बजेट बिनियोजन गरिएको बताए ।

बुटवलमा हुने राष्ट्रपति रनिङ शिल्ड प्रतियोगिताले राष्ट्रिय स्तरको प्रतियोगिताको झल्को दिने विश्वास ब्यक्त गरे ।बुटवलबाट राष्ट्रिय तथा अन्तर्राष्ट्रिय खेलाडी उत्पादन गर्ने उदेश्यले बुटवल उपमहानगरपालिकाले खेलकुदको क्षेत्रमापर्याप्त बजेट छुट्टयाइएको बताउदै नगर प्रमुख पाण्डेयले सोही अनुसार खेल मैदान निर्माण र बिभिन्न बिधामाप्रतियोगिताहरू सञ्चालन गरिरहेको उल्लेख गरे ।

शिक्षा,स्वास्थ्यसँगै बुटवललाई खेल पर्यटनसँग पनि जोड्न सकिने उनको भनाइ थियो । बुटवलमा छैठौं राष्ट्रपति रनिङशिल्ड प्रतियोगिता सुरुकार्यक्रममा बुटवल उपमहानगरपालिकाकी उपप्रमुख सावित्रा देवी अर्यालले बुटवलउपमहानगरपालिकाले खेलकुदको विकासलाई बिशेष महत्त्व दिएर बजेट छुट्टयाइएको भन्दै खेलकुदले विद्यार्थीकोस्वास्थ्यसँगै पठनपाठनमा पनि सहयोग पुग्ने विश्वास ब्यक्त गरिन् ।

नगर खेलकुद विकास समितिका अध्यक्ष बोनिन पियाको सभापतित्वमा सम्पन्न प्रतियोगिता उदघाटन कार्यक्रममा नगरखेलकुद विकास समितिका सदस्य सचिव प्रेमबहादुर बस्नेत, नगर खेलकुद विकास समितिका सदस्य लालहरीपाण्डेलगायतले आ आफ्नो भनाइ राखेका थिए ।

प्रतियोगितामा नगर भित्रका ५३ विद्यालयका एक हजार चार सय ७० विद्यार्थीले प्रतिस्पर्धा गर्ने खेल कमिसार हरीप्रसाद श्रेष्ठले जानकारी दिए । उद्घाटन कार्यक्रममा कालिका मानवज्ञान मावि,नविन औद्योगिक कदरबहादुर रीता मावि,उजिरसिं मावि लगायतकाविद्यालयहरूले पिटि तथा सांगीतिक प्रस्तुति गरेका थिए ।

नागरिक अनलाइन

लेखकबाट थप

• मंगलवार, पौष १६ २०८११०:०७:०५

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण