बुटवल,मंसिर २८ ।

नेपाल पत्रकार महासंघको नयाँ नेतृत्वको लागि शुक्रबार देशभर मतदान भएको छ । महासंघको केन्द्र, प्रदेश, जिल्ला समितिको नयाँ नेतृत्वको लागि निर्वाचन भएको हो । शुक्रबार रुपन्देहीमा भएको निर्वाचन शान्तिपुर्ण भएको निर्वाचन समितिले जनाएको छ ।  निर्वाचनमा २ सय ३३ मत खसेको निर्वाचन अधिकृत खिमानन्द भट्टराईले जानकारी दिनुभयो ।

उहाँका अनुसार अहिले मतगणनाको कार्य सुरु भएको छ । पहिला केन्द्रीय समितिको अनि प्रदेश समितिको र अन्तिममा जिल्लाको मत गठना गरिने उहाँले बताउनुभयो । शनिबार बिहानसम्म जिल्लाको सबै नतिजा बाहिर आउने निर्वाचन समितिले जनाएको छ ।

पत्रकार महासंघ रुपन्देहीको अध्यक्षको लागि लागि ३ जना चुनावी प्रतिस्पर्धामा छन् । रुपन्देहीको नेतृत्वका लागि दिनेश पाण्डे, विनोद परियार र अमृता अनमोल पाण्डेयले उम्मेदवारी दिएर चुनावी मैदानमा होमिनु भएको हो । 

पाण्डे नेपाल प्रेस युनियन र प्रेस चौतारीको संयुक्त प्यानलबाट उम्मेद्वार बन्नु भएको थियो भने परियार प्रेस सेन्टर, समाजवादी प्रेस संगठन, प्रगतिशिल पत्रकारको संयुक्त प्यानबाट उम्मेद्वार बन्नु भएको हो ।

यस्तै अनमोल स्वतन्त्र रुपमा अध्यक्षमा उम्मेद्वारी दिनु भएको थियो । पत्रकार महासंघ रुपन्देहीमा २ सय ५४ जना सदस्य रहेका छन् । खुल्ला उपाध्यक्षमा विश्वास ढकाल र समावेशि अल्पसंख्यकमा गोविन्द घर्ति निर्विरोध हुनु भएको समितिले जनाएको छ । 

नागरिक अनलाइन

लेखकबाट थप

• शुक्रवार, मंसिर २८ २०८१०७:२८:११

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण