बिहिवार, मंसिर १३ २०८१

न्यौपाने डेन्टल क्लिनिकको शाखा तिलोत्तमामा

नागरिक अनलाइन

4.2K

बुटवल,मंसिर १३ ।

गुणस्तरीय दन्त उपचार सेवा आम नागरिक समक्ष पुर्याउने उद्देश्यका साथ न्यौपाने डेन्टल क्लिनिकको शाखा तिलोत्तमामा शुभारम्भ गरिएको छ ।

बिगत २७ बर्षदेखि गुल्मीको सत्यवती ६ चोरकाटेमा सेवा दिदै आएको न्यौपाने डेन्टलले पहिलो शाखा रुपन्देहीको तिलोत्तमा ३ ड्राइभरटोलमा आज एक समारोहका बिचमा शुभारम्भ गरेको हो ।

डेन्टलको तिलोत्तमा नगरप्रमुख रामकृष्ण खाँणले रिबन काटेर उद्घाटन गर्दै सेवालाइ सहज र जनमैत्री बनाउन आग्रह गर्नुभयो । उहांले मुख स्वास्थ्य र दांतको महत्व रहेको भन्दै स्वास्थ्य प्रति सबै सधैभर संबेदनशील बन्नुपर्ने धारणा राख्नुभयो ।

डेन्टल होमको शुभारम्भमा बोल्दै तिलोत्तमा वडा न ३ का वडाध्यक्ष कल्याण पौडेलले तिलोत्तमा रोजेकोमा ब्यबसायीलाइ धन्यबाद दिनुभयो । उक्त डेन्टलमा दन्त परिक्षण तथा विशेषज्ञ चिकित्सकको परामर्शका साथै दात सम्बन्धि सम्पूर्ण समस्याको अनुभवी विशेषज्ञ मार्फत उपचार गरिने संचालक दामोदर न्यौपानेले बताउनुभयो ।

कार्यक्रममा गुल्मी चिदीपानी तिलोत्तमा सम्पर्क समाजका अध्यक्ष तथा मानव अधिकार तथा शान्ति समाजका निबर्तमान सभापति खिमप्रसाद भट्टराइ कृष्ण ,चिदीपानी तिलोत्तमा समाजका ओम भण्डारी लगायतले बोल्दै सेवालाई गुणस्तरिय बनाउन आग्रह गर्नुभयो ।

सो डेन्टलमा डेण्टल सर्जन डा मनिषा पौडेल र डेन्टल हाइजेनिस्ट दिपेन्द्र न्योपाने लगायतले सेवा दिनुहुनेछ । तिलोत्तमामा करिब २० लाखको लागतमा सो डेन्टल संचालनमा आएको हो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)