बुटवल,मंसिर ९।

रुपन्देहीको तिलोत्तमा–५ मणिग्रामस्थित क्रिमसन अस्पतालमा बिरामीलाई म्याद गुज्रीएको औषधी प्रयोगगरेको पाइएको छ । अस्पतालमा उपचार गराउन आएका बिरामीलाई म्याद गुज्रीएको ‘सलाइन पानी’ चढाइएकोपाइएको उनका आफन्तहरुले जनाएका छन् ।

गत सोमबारदेखि अस्पतालमा उपचाररत सिद्धार्थनगर नगरपालिका–५ का ५५ वर्षीय शुसिल सिंघललाई म्यादगुज्रीएको औषधी दिइएको उनका भाई मनोजकुमार अग्रवालले ग्जानकारी दिए ।

नोभेम्बर २०२२ मा उत्पादन भएकोउक्त औषधीको म्याद अक्टोबर २०२४ मा समाप्त हुने स्पष्ट उल्लेख गरिएको भए पनि अस्पताल फार्मेसीले विक्रीगरिराखेको बिरामीका आफन्तले गुनासो गरे ।

बिरामीको स्वास्थ्यमा हालसम्म कुनै सुधार नहुनु र म्याद गुज्रीएकोऔषधी प्रयोग गरेको भेटिनुले उपचारमा गम्भिर लापरवाही भएको आफन्तको आरोप छ ।

शनिबार साँझ निमोनियापीडित सिंघललाई चढाइएको सलाइन म्याद गुज्रीएको पाइएपछि आफन्तहरुले आइतार अस्पताल प्रशासनमा पुगेरप्रश्न उठाएका छन् ।
यस विषयमा जानकारी लिनका लागि अस्पतालका प्रशासनका मनमोहन भट्टराई तथा जनसम्पर्क प्रमुख चन्द्रकान्त बस्याललाई पटक–पटक फोन सम्पर्क गरे पनि उनीहरुको फोन उठेन ।

यसअघि पनि क्रिमसनमा लापरवाहीका घटना घटेका थिए ।

नागरिक अनलाइन

लेखकबाट थप

• आइतवार, मंसिर ९ २०८१०२:५२:०१

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी

• रोट्रयाक्ट क्लब अफ बुटवल सिनर्जीको ९औँ पदस्थापन ,अध्यक्षमा कल्पित नेपाल

• फर्निचर व्यवसायका समस्या हलका लागि स्थानीय सरकार र सरोकारवाला संस्थाबीच सहकार्य जरूरी

• कांग्रेस क्षेत्र नं. २ रुपन्देहीद्वारा ‘माइन्युट लेखन तथा प्रभावकारी बैठक सञ्चालन’ तालिम