शुक्रवार, मंसिर ७ २०८१

गार्गी एकेडेमीमा ८ सय अभिभावकको नि:शुल्क स्वास्थ्य परिक्षण तथा बिज्ञान प्रदर्शनी सम्पन्न

नागरिक अनलाइन

3.1K

गार्गी एकेडेमीमा ८ सय अभिभावकको नि:शुल्क स्वास्थ्य परिक्षण तथा बिज्ञान प्रदर्शनी सम्पन्न

बुटवल,मंसिर ७ ।

बुटवल–११ देवीनगरस्थित गार्गी एकेडेमीमा नतिजा प्रकाशनसंगै स्वास्थ्य शिविर तथा बिज्ञान प्रदर्शनी कार्यक्रम सम्पन्न भएको छ ।

कार्यक्रममा दवदह मेडिकल कलेजका १७ जना डाक्टरको टिम सहभागि भइ ८ सय अभिभावकको निशुल्क स्वास्थ्य परिक्षण गरिएको प्राचार्य भुवन अधिकारीले बताउनुभयो । अधिकारीले विद्यालय अभिभावकहरुको माया र सदभावले नैं विद्यालयले छोटो समयमा सफलता हासिल गर्न सफल भएको बताउनुभयो ।

विद्यालयका अध्यक्ष झबिन्द्र अधिकारीको अध्यक्षतामा भएको कार्यक्रममा निवर्तमान अध्यक्ष रणबहादुर थापा प्रमुख आतिथ्यता रहेको थियो ।

कार्यक्रममा स्त्री रोग बिशेषज्ञ ,छाला,नाक,कान घाटीँ,फिजिसियन,आखाँको समेत जांच गरिएको थियो । त्यस्तैगरि बिज्ञान प्रदर्शनीमा २४ वटा प्रोजेक्ट प्रदर्शन गरिएको थियो । यसमा कक्षा १ देखि कक्षा ९ सम्मका बिद्यार्थीले सहभागिता जनाएर प्रोजेक्ट निर्माण गरेका हुन्।

कार्यक्रममा विद्यालयका सञ्चालक जीवन अधिकारी, सल्लाहकार राजेन्द्र ढकाल लगायतले बोलेका थिए । विद्यालयका २ हजार २६७ विद्यार्थी अध्ययनरत रहेका छन्। sicence axi.jpg