बिहिवार, कार्तिक २९ २०८१

अदालती प्रक्रियामा अवरोध गरेको भन्दै रास्वपाका नेताविरुद्ध अवहेलना मुद्दा

नागरिक अनलाइन

945

अदालती प्रक्रियामा अवरोध गरेको भन्दै रास्वपाका नेताविरुद्ध अवहेलना मुद्दा

काठमाडौं,कार्तिक २९ ।

अदालतलाई दबाब दिने उद्देश्यले अभिव्यक्ति दिने, आन्दोलन गर्ने र जनतालाई उचाल्दै न्याय प्रक्रियामा अवरोध गर्न खोजेको दाबीसहित राष्ट्रिय स्वतन्त्र पार्टी (रास्वपा) का नेताविरुद्ध अवहेलना मुद्दा दायर भएको छ ।

रास्वपा सभापति रवि लामिछानेमाथि सहकारी रकम अपचलन प्रकरणमा अनुसन्धान भइरहँदा अदालती कारवाहीविरुद्ध आन्दोलन गरेको दाबीसहित सर्वोच्च अदालतमा अवहेलनाको मुद्दा दर्ता भएको हो ।उपसभापति एवं सांसद डा. स्वर्णिम वाग्ले, प्रवक्ता मनिष झा, सुमना श्रेष्ठ, विराजभक्त श्रेष्ठ, डा. तोसिमा कार्की, सोविता गौतम, सन्तोष परियारलगायतलाई विपक्षी बनाइएको छ ।

अधिवक्ता अनुपम भट्टराईले बिहीबार सर्वाेच्च अदालतमा मुद्दा दायर गरेका हुन् ।अवहेलना निवेदनमा विपक्षी राष्ट्रिय स्वतन्त्र पार्टीका केन्द्रीय पदाधिकारीसमेतले न्याय निरूपण प्रक्रियामा प्रभाव पर्नेगरी सभा गर्ने, न्यायपालिका बारे तथ्यहीन र आधारहीन कुरा नागरिकमा फैलाउने लगायतका काम गरी स्वतन्त्र न्यायपालिका माथि नागरिकमा भ्रम सिर्जना गर्ने काम गरेको दाबी गरिएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)