बुटवल असोज १९ ।

नेपाल इन्जिनियर्स एसोसियसन लुम्बिनी प्रदेश समितिद्वारा बिजयदशमी , शुभदिपावली तथा छठ पर्वको पावन अवसरमा शुभकामना आदानप्रदान कार्यक्रम सम्पन्न गरेको छ । 

नेपाल इन्जिनियर्स एसोसियसन लुम्बिनी प्रदेश समितिका सभापति महेस्वर लम्सालको अध्यक्षतामा कार्यक्रम शुभारम्भ भएको थियो । कार्यक्रममा बुटवल उपमहानगरपालिकाका प्रमुख खेलराज पाण्डेको प्रमुख आतिथ्यता रहेको थियो । 

प्रमुख अतिथी पाण्डेले इन्जिनियरको सीप , ज्ञान र नयाँ प्रविधीले देश बिकास तर्फ उन्मुख रहने बताउदै इन्जिनियरको समाजको दिगोपनका लागि नयाँ खाका कोरेर स्थानिय सरकार चलाउन सहज र सरल हुने अपेक्षा राख्नु भएको थियो । उहाँले इन्जिनियर साथीहरुप्रती आशा र भरोसा रहेको बताउदै इमान्दारीता र व्यवसायीक दक्षतामा इन्जिनियरहरु लाग्नुपर्ने ठहर गर्नुभएको थियो । 

कार्यक्रममा स्वागत तथा शुभकामना मन्तव्य 
प्रदेश उपसभापती शिव तिवारी, धर्मराज अर्याल , हेमराज शाही , यादब नेपाल , केन्द्रिय सदस्य आकाश बर्मा , निवर्तमान केन्द्रिय सदस्य बिस्वरन्जन मिश्र ,  यमलाल  पाण्डे , कर्मचारी युनियनका केन्द्रीय सदस्य नवीन कुमार पन्थी , कर्मचारी युनियन रुपन्देही अध्यक्ष चक्रपाणी पाण्डे लगायतले शुभकामना मन्तव्य राख्नुभएको थियो । 

आधिकारिक ट्रेड युनियन जिल्ला उपाध्यक्ष भोजराज न्यौपानेले मानबयन्त्रका रुपमा इन्जिनियर रहेको हुदाँ उड्ने देखि गुड्ने सम्मको डिजाइनिङ्ग गर्ने नै इन्जिनियर रहेको बताउँदै पेशागत मर्यादालाई कायम राख्दै नितिगत सुधारमा पनि ध्यान दिन अनुरोध गर्नुभएको थियो  ।  

सभापती महेश्वर लम्सालले नयाँ इन्जिनियरलाई कन्फिडेन्ट लेभल बिउल्ड अप गर्न र इन्जिनियरलाई प्रोत्साहन गर्न हामी लागिपरेको बताउँदै निर्वाचित भएको छोटो अवधीमा विभिन्न उपलब्धि हासिल गरेको र आगामी दिनमा गतिलाई तिब्रता दिने बताउनुभएको थियो । साथै बिजयदशमी , शुभदिपावली तथा छठ पर्वको शुभकामना व्यक्त गर्नुभएको थियो । 

कार्यक्रमको सञ्चालन नेपाल इन्जिनियर्स एसोसिएसन लुम्बिनी प्रदेश सचिब प्रवेश पौडेलले गर्नुभएको थियो ।

नागरिक अनलाइन

लेखकबाट थप

• शनिवार, आश्विन १९ २०८१११:३५:४९

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण