शनिवार, पौष २५ २०७७

बुटवलमा लाफा खुला तथा भेट्रान्स पुरुष डबल ब्याडमिन्टन प्रतियोगिता,१५० टिमकाे सहभागिता रहने

नागरिक अनलाइन

4.3K

बुटवलमा लाफा खुला तथा भेट्रान्स पुरुष डबल ब्याडमिन्टन प्रतियोगिता,१५० टिमकाे सहभागिता रहने

बुटवल,पुस २५-

लाफा समुह बुटवलले खुला तथा भेट्रान्स पुरुष डबल ब्याडमिन्टन प्रतियोगिता आयोजना गर्ने भएको छ । समुहले शनिबार पत्रकार सम्म्मेलन गरी आगामी माघ २३ र २४ गते तेस्रो लाफा खुला तथा भेट्रान्स पुरुष डबल ब्याडमिन्टन प्रतियोगिता आयोजना गर्ने जानकारी दिएको हो ।

प्रतियोगितामा लुम्बिनी प्रदेश सहित काठमांडौ, चितवन, मकवानपुर, कास्की, दाड, सल्यान बाकें लगायतका जिल्लाबाट खेलाडीहरु सहभागी हुने कार्यक्रम संयोजक ज्ञानु सारुले जानकारी दिए । यस वर्ष १ सय ५० बढी टिम सहभागि हुने समुहका संरक्षक वासुदेव लामिछानेले बताए ।

खुलातर्फ ९० तथा भेट्रान्स तर्फ ५० बढी टिमको सहभागीता रहने प्रतियोगितामा खुला तर्फका विजेताले ५५ हजार ५ सय ५५ नगद पुरस्कार प्राप्त गर्ने छ । त्यस्तै, उपविजेताले ४१ हजार ५ सय ५५ तथा तेस्रो हुनेले ३१ हजार ५सय ५५ नगद पुरस्कार प्राप्त गर्ने छन् । यसैगरी अनुशासित खेलाडी तथा उदयमान खेलाडीले र्याकेट, ट्रफि र प्रमाणपत्र प्राप्त गर्ने समुहका समुहका उपाध्यक्ष पुरन गाहाले जानकारी दिए ।

भेट्रान्सतर्फ भने प्रथम पुरस्कार २५ हजार ५ सय ५५, दोस्रो पुरस्कार १५ हजार ५ सय ५५ र तृतीय पुरस्कार १० हजार ५ सय ५५ रहेको छ । प्रतियोगितामा सहभागिताका लागि खुला तर्फ ३ हजार प्रवेश शुल्क लाग्ने र भेट्रान्सतर्फ २ हजार प्रवेश शुल्क राखिएको समुहका अध्यक्ष तारा सिंह रेस्मीले बताए ।

प्रतियोगिता सम्पन्न गर्नका लागि १६ लाख ४० हजार रुपैयां खर्च अनुमान गरिएको उनले बताए । समुहका उपाध्यक्ष पुरन गाहाले गत बर्ष भन्दा धेरै खेलाडिको सहभागिता रहेन अपेक्षा गरेको बताए । उनले गतबर्ष खूला ७८ र भेट्रान्सतर्फ ३५ समुहको सहभागती रहेकोमा अहिले ११५ टिम र भेट्रान्सतर्पm ५० अपेक्षा गरेको बताए । यस्तै यसबर्ष पुरस्कार राखी पनि बृद्धि गरिएको छ ।

सम्मेलनमा प्रतियोगिताका संयोजक ज्ञानु सारुले समुहले बिभिन्न सामजिक कार्यहरु बताए । उनले कोरोना महामारीको बेला आर्थीक समस्या भएको परिवारलाई १२० परिवार खाद्यान्न सहयोग गरेको बताए । समूहले ब्याडमिन्टन कवर्ड हल भाडामा लिएर टे्रनिङ्ग सेन्टर संचालन गर्ने योजना बनाएको छ ।

पटक पटक पनि स्थानीय तहसगँ हल निमार्णको लागि जग्गा उपलब्ध गराउन आग्रह गरेपनि जग्गा नपाउदाँ व्यतिmको जग्गा लिजमा लिएर चलाउनु पर्ने बाध्यता रहेको समुहका पूर्व अध्यक्ष केशब रानाले गूनासो गरे । समुहमा हाल १५० भन्दा बढि सदस्य रहेका छन ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)