बुटवल,असोज १ ।
बुटवल अटो ईञ्जिनियरिङ एशोसियशन रुपन्देहीको अध्यक्षमा प्रेम गौचन निर्वाचित हुनुभएको छ ।

सोमबार भएको निर्वाचनमा अध्यक्षमा निर्वाचित गौचनले २४७ मत प्राप्त गर्नुभएको छ भने उहाँका प्रतिस्पर्धी तुलसीराम न्यौपानेले २३० मत प्राप्त गर्नुभएको निर्वाचन समितिले जानकारी गराएको छ । बुटवल अटो ईञ्जिनियरिङ एशोसियशनमा नेतृत्व लिनको लागि दुई प्यानल प्रतिस्पर्धामा थिए ।

जसमा अधिकांस पदमा गौचन नेतृत्वको प्यानलका उम्मेद्वार विजयी भएका छन् ।
एशोसियशनको उद्योग उपाध्यक्षमा २४२ मत सहित ध्रुवराज भुसाल र वाणिज्य उपाध्यक्षमा २५५ मत सहित बाबुराम आचार्य निर्वाचित हुनुभएको छ । महासचिव पदमा २५२ मत सहित पुनित पोखरेल निर्वाचित हुनुभएको छ ।
कोषाध्यक्ष पदमा २८१ मत सहित नमराज सुवेदी, सचिव पदमा २४१ मत सहित मनिस पाण्डे र सहकोषाध्य पदमा २५० केशवराज भण्डारी निर्वाचित हुनुभएको छ ।

त्यसैगरी कार्यकारिणी सदस्यमा गोपालप्रसाद घिमिरे, यज्ञप्रसाद पाण्डे, यदुमणी पंगेनी, सुर्यनारायण महतो, विजय पाण्डे, गुरुप्रसाद भट्टराई, हिमालकुमार श्रेष्ठ र गणेश तिमिल्सिना निर्वाचित हुनुभएको छ ।

त्यसैगरी लेखा समितिको संयोजकमा २६४ मत सहित रोषन पाण्डे निर्वाचित हुनुभएको छ । उहाँका प्रतिस्पर्धी नारायणप्रसाद ज्ञवालीले २१० मत प्राप्त गर्नुभएको छ ।

लेखा समितिको सदस्य पदमा नारायणप्रसाद खनाल र अरुणकुमार अर्याल निर्वाचित हुनुभएको छ ।

नागरिक अनलाइन

लेखकबाट थप

• मंगलवार, आश्विन १ २०८१०३:३७:३७

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण