लिस्बन,असार २९। नेपाल प्रेस युनियन युरोप शाखाको प्रथम अधिवेशन यही १४ जुलाईमा हुने भएको छ। 

जुममार्फत हुने अधिवेशनको तयारी तीब्र रुपमा भइरहेको शाखाले जनाएको छ । अधिवेशनलाई काँग्रेस महामन्त्री एवं पूर्व मन्त्री गगन थापाले विशेष सम्बोधन गर्ने कार्यक्रम तय भएको शाखाका संयोजक सञ्जयभक्त कडेंलले जानकारी दिनुभयो । 

कार्यक्रममा कांग्रेस केन्द्रीय सदस्य एवं युनियनका पूर्व केन्द्रीय महासचिव अजयबाबु शिवाकोटीले पनि सम्बोधन गर्ने कार्यक्रम रहेको छ। यस्तै युनियनका केन्द्रीय अध्यक्ष शिव लम्साल विशेष वक्ताका रुपमा सहभागी हुने शाखाले जनाएको छ । कार्यक्रममा युनियनका केन्द्रीय नेतृत्व तथा युरोपमा क्रियाशील काँग्रेस नेताहरूको समेत सहभागिता रहने संयोजक कडेंलेले बताउनुभयो ।

नेपाल पत्रकार महासंघ बेलायत शाखाका पूर्व महासचिव समेत रहेका कडेंलको संयोजकत्वमा तीन वर्ष अघि युनियनको युरोप शाखा गठन गरिएको थियो । शाखामा हाल युरोपका विभिन्न मुलुकमा क्रियाशील दुई दर्जन बढी लोकतन्त्रवादी पत्रकार आवद्ध छन् । अधिवेशनले आगामी कार्यकालका लागि नयाँ नेतृत्व चयन गर्नेछ ।

कडेंलको सकृयतामा युनियनको युरोप शाखा र बेलायत शाखा स्थापना भएको थियोे । १४ जुलाई आइतबार हुने अधिवेशन नेपाली समय अनुसार अपरान्ह ५ः३० बजे र बेलायत र पोर्चुगलको समय अनुसार दिउँसो १२ः३० बजे  हुने बताइएको छ ।

लोकतन्त्रवादी पत्रकारहरुको छाता संस्था प्रेस युनियन हाल वैदेशिक शाखाको रुपमा युरोप सहित  पोर्चुगल,  बेलायत र युएईमा सक्रिय छ । अन्य देशमा पनि शाखा विस्तारको तयारी भइरहेको युनियनले जनाएको छ ।

नागरिक अनलाइन

लेखकबाट थप

• शनिवार, आषाढ २९ २०८१०३:२०:१३

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण