बुटवल,असार २१।

बुटवल उपमहानगरपालिका वडा न ४ संगमपथमा संचालित २ वटा पसलमा आगलागी भएको छ । गएराति साढे २ बजेको समयमा बिद्युत सर्ट हुँदा गिफ्ट पसल र फेन्सी पसल जलेर खरानी भएका छन् । 

संगमपथमा रहेको बुटवल उद्योग बाणिज्य संघको पुरानो भवनमा संचालित ज्ञवाली गिप्ट पसल र जि फेन्सीमा आगलागी भएको ज्ञवाली गिप्ट पसलका संचालक रमेश ज्ञवालीले नागरिक अनलाइनलाइ जानकारी दिए ।

सोही घरको चौथो तलामा सुतिरहेको बेला राति साढे २ बजे धुवाको मुस्लो घरभित्र छिरेपछि होहल्ला गर्दै  दमकल र प्रहरीलाइ खबर गरेर आगो निभाइएको उनले बताए । 

कोरोना कालमा बुटवल झरेर ४ बर्षदेखि गिप्ट पसलबाट ब्यवसाय शुरू गरेका ज्ञवालीले गएरातिको आगालागिबाट करिब ३० लाख बराबरको क्षति भएको बताए । पुरानो घरभएको र वाइरिङ्मा पटक-पटक समस्या देखिने गरेको उनले बताए ।उनले सुख दुख गरेरआफूले जोडेको सबै लगानी खरानी हुँदा मर्कामा परेको गुनासो गरे ।

उनले सरकारी निकाय तथा अन्यबाट समेत  सहयोगको अपिल गरेका छन् । ज्ञवाली गिप्ट पसल र जि फेन्सीमा भएको आगलागीबाट करिब  १ कराेड ६० लाख बराबरको क्षति भएको  विवरण आएको प्रहरीको भनाइ छ ।

जी फेन्सी स्टोरका सञ्चालक शंकर ज्ञवालीलीका अनुसार जी फेन्सी स्टोरको मात्रै १ करोड १० लाख बढीको क्षती भएको छ ।तत्काल स्थानीय, प्रहरी तथा बुटवल उपमहानगरपालिकाको दमकलको सहायताले करिव २ घटामा आगो नियन्त्रणमा लिईएको भएपनि आगलागि भएको दुई पसलमा पूर्ण रुपमा क्षती भएको बुटवल उद्योग वाणिज्य संघका अध्यक्ष हरिप्रसाद अर्यालले बताए ।
पसलमा भएको आगलागि नियन्त्रण हुन नसकेको भए त्यसबाट ठूलो क्षती व्यहोर्नुपर्ने स्थानीय समेत रहनुभएका बुटवल उद्योग वाणिज्य संघका निवर्तमान अध्यक्ष उज्ज्वलप्रसाद कसजूले बताए । 
 

• २ वटा पसलमा आगलागी : घटनाबारे बुझ्न अध्ययन समिति गठन

नागरिक अनलाइन

लेखकबाट थप

• शुक्रवार, आषाढ २१ २०८१०२:०५:१६

• Tags:

  # पसलमा आगलागी # आगलागी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा