बुटवल,असार १५ ।

नेपाल प्रेस युनियन रुपन्देहीले नेपाल पत्रकार महासंघ रुपन्देही र लुम्बिनी प्रदेश समितिको कार्यालयमा तालावन्दी गरेको छ । सदस्यता विवादको टुंगो नलगाई निर्वाचन कार्यतालिका साथै मतदाता नामावली समेत प्रकासित गरेको विरोधमा युनियनले शनिबार नेपाल पत्रकार महासंघ रुपन्देहीको कार्यालयमा तालावन्दी गरेको हो ।

नेपाल प्रेस युनियन रुपन्देहीका अध्यक्ष कविन्द्र नेपालको नेतृत्वमा केन्द्रीय सदस्यहरु रेखा भुसाल, विजय पोखरेल, प्रदेश समितिका कोषाध्यक्ष सिपि खनाल सहित युनियन रुपन्देहीका पदाधिकारी सदस्यहरुले महासंघ रुपन्देहीको अध्यक्ष तथा पदाधिकारीको कार्यकक्ष, सचिवालय र बैठक कक्षमा तालावन्दी गरिएको युनियन रुपन्देहीका सचिव कपिल ज्ञवालीले जानकारी दिनुभयो ।

नेपाल पत्रकार महासंघ रुपन्देहीको कार्यालय भित्र महासंघ लुम्बिनी प्रदेशको समेत कार्यालय रहेकोले युनियन रुपन्देहीको तालावन्दीले प्रदेश समितिको कामकारवाहीमा प्रभाव पर्नेछ । पत्रकार महासंघले विधान विपरित सदस्यताको टुंगो नलगाई निर्वाचन कार्यतालिका सार्वजनिक गरेकोमा युनियनले विरोध गर्दै आएको थियो । महासंघले महासंघको सदस्यका लागि फरक फरक मापदण्ड अपनाएकाले त्यसरी गरिएको निर्णय नसच्याउँदा सम्म ताला नखोलिने युनियन रुपन्देहीका अध्यक्ष कविन्द्र नेपालले बताउनु भयो ।

महासंघको केन्द्रीय समितिले जिल्ला शाखाले पठाएकोमा आफूखुसी काट्ने र थप्ने कार्य भएकाले त्यसका विरुद्ध आन्दोलनमा उत्रिनु परेको उहाँले बताउनु भयो ।

सदस्यता विवाद नसुल्झाईकनै निर्वाचन कार्यतालिकामा अगाडि बढेपछि नेपाल प्रेस युनियनको केन्द्रीय समितिले महासंघको केन्द्रीय कार्यालयमा शुक्रबार नै तालावन्दी गरेको थियो भने जल्ला शाखाहरुमा पनि तालावन्दी गरिरहेका छन् ।

नागरिक अनलाइन

लेखकबाट थप

• शनिवार, आषाढ १५ २०८१०३:४१:४५

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण