बुटवल,असार २ ।

रूपन्देहीका सफल युवा व्यवसायी जगत पोखरेललाई जर्मनीको विश्वविद्यालयले मानार्थ विद्यावारिधी प्रदान गरेको छ । जर्मनीको कस्सेलमा रहेको हिस्सेन इन्टरनेस्नल युनिभर्सिटीले उहाँलाई व्यवसायीक र सामाजिक क्षेत्रमा सफल र अनुभवी व्यक्तिको रुपमा मानार्थ विद्यावारिधी प्रदान गरेको हो ।

लामो समयदेखि व्यवसायीक र सामाजिक क्षेत्रबाट अतुलनीय योगदान गरेको र व्यवसायीक तथा सामाजिक क्षेत्रमा अमुल्य अनुभव हासिल गर्दै सफलता प्राप्त गरेकोले उहाँलाई मानार्थ विद्यावारिधी प्रदान गरिएको युनिभर्सिटीले जनाएको छ ।

पाल्पामा जन्मेर बुटवल हुँदै हाल काठमाडाैँमा रहेका सफल र सक्रिय युवा व्यवसायी पोखरेलले अहिले धेरै जनाको सानो सानो रकम संकलन गरी ठूला परियोजना सञ्चालन गर्ने उद्धेश्यका साथ क्राउड फन्डीङ्ग कम्पनी स्थापना गर्ने गृहकार्य तिव्र रुपमा गरिरहनु भएको छ ।

नेपाल जेसिजका पुर्व राष्ट्रिय अध्यक्ष पोखरेल दर्जनौ सामाजिक संघ संस्था मार्फत तीन दशकदेखि सामाजिक सेवामा क्रियाशिल हुनुुहुन्छ ।

व्यवसायीक क्षेत्रमा उहाँ लघुवित्त महासंघ नेपाल, ट्रष्ट माइक्रो इन्स्योरेन्स, भिजन लुम्बिनी कम्पनी लिमिटेड, भिजन लुम्बिनी उर्जा कम्पनीलगायतका कम्पनीको संस्थापक र वहालवाला अध्यक्ष हुनुहुन्छ भने आरम्भ चौतारी माईक्रो फाईनान्सको संस्थापक अध्यक्ष हुनुहुन्छ । उहाँ लुम्बिनी मेडिकल कलेज पाल्पाको पनि संस्थापक हुनुहुन्छ ।

नागरिक अनलाइन

लेखकबाट थप

• आइतवार, आषाढ २ २०८१०६:२६:५५

• Tags:

  # जगत पोखरेल # मानार्थ विद्यावारिधी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा