बिहिवार, जेठ १० २०८१

रूरूक्षेत्रमा माण्डब्य गोत्रीय (ज्ञवाली) हरुको कुलपूजा सम्पन्न

नागरिक अनलाइन

2.4K

रूरूक्षेत्रमा माण्डब्य गोत्रीय (ज्ञवाली) हरुको कुलपूजा सम्पन्न

बटवल,जेठ १० ।

गुल्मीको रूरूक्षेत्र- १ थोर्गामा माण्डब्य गोत्रीय (ज्ञवाली) हरुको कुलपूजा सम्पन्न भएको छ । रूरूक्षेत्र १ ठूलापोखरामा रहेको बिद्यालयमा हरेक बर्ष बुद्ध पूर्णिमाको दिनमा कुल पूजा हुँदै आएको छ । थाेर्गाका बिभिन्न स्थानका ज्ञवालीहरुले आ-आफ्ना कुलथानमा पुगेर पूजा गर्ने गर्दछन् ।

वंश एकैठाउँ भएर पनि अहिले विभिन्न ठाउँबाट छरिएर रहेका ज्ञवालीहरुलाई एकै ठाउँमा जम्मा गराएर आत्मीयता बढाउनको लागि समेत कूल पूजाले महत्वपूर्ण भूमिका खेलेको सहभागीहरुले बताएका छन् । kul puja gyawali a.jpg

कूल पूजा गर्नु भनेको आफ्ना पितृहरुलाई सम्मान गर्नु पनि भएकाले यस्ता कामलाई निरन्तरता दिनुपर्नेमा सहभागिको भनाइ छ । कूल पूजा गर्नाले भ्रातृत्व प्रेमको विकास हुने अध्यक्ष खगेश्वर ज्ञवालीले बताउनुभयो ।

सहभागिले कुल पूजा बित्रिबारेमा नयाँ पुस्तालाइ समेत जानकारी गराउनुपर्ने बताए । यसरी धर्म र संस्कृति संरक्षण हुनेमा उहाँहरुको भनाइ थियो । कार्यक्रममा बिभिन्न सन्दर्भमा सहयोग रकम प्रदान गर्ने बन्धुहरुलाइ धन्यवादसहित सम्मान गरिएको थियो ।

अध्यक्ष खगेश्वर ज्ञवालीका अध्यक्षतामा भएको कार्यक्रममा सचिव परमानन्द ज्ञवालीले प्रतिबेदन पेश गर्नुभयो । भने कोषाध्यक्षको आर्थिक प्रतिवेदन प्रस्तुत गरिएको थियो ।

पूजाका लागि रोट बनाउने,खीर बनाउने चलन रहेको र यहाँ कुनैप्रकारको बली दिने चलन नरहेको लक्ष्मण ज्ञवालीले बताउनुभयो । कुल पूजामा थोर्गा ठूलापोखरा क्षेत्रका करिब ३० घरपरिवारको सहभागिता रहेको थियो । सो अवसरमा युवराज ज्ञवाली,चिन्तामणी ज्ञवाली,डिल्लीराम ज्ञवाली,राेमनाथ ज्ञवाली, अच्युतराम ज्ञवाली,टुष्टराम ज्ञवाली लगायतले बोल्नुभएको थियो ।

कुलपूजा (वंश) को परम्परा वा शास्त्रीय विधिअनुसार पितृ, ख्यातिप्राप्त पुर्खा, कुलका संरक्षक देवता तथा स्थानीय देवीदेवताको निश्चित तिथिमा गरिने पूजा हो।