आइतवार, जेठ ६ २०८१

बुटवलमा लुम्बिनी प्रदेश स्तरीय दोहोरी खेल प्रतियोगिता भोलिदेखि,७ सय कलाकारको सहभागिता हुने

नागरिक अनलाइन

1.4K

बुटवलमा लुम्बिनी प्रदेश स्तरीय दोहोरी खेल प्रतियोगिता भोलिदेखि,७ सय कलाकारको सहभागिता हुने

बुटवल,जेठ ६ ।

बुटवलमा भाेलिदेखि लुम्बिनी प्रदेश स्तरीय दोहोरी खेल प्रतियोगिता शुरु हुँदैछ ।लोक दोहोरी गीत प्रतिष्ठान लुम्बिनी प्रदेशको आयोजनामा हुने दुई दिने प्रतियोगितामा प्रदेशका १० जिल्लाबाट प्रतियोगी टिम बुटवल आउदैछन । प्रतिष्ठानका अध्यक्ष दिपु मगरले रुकुम पूर्व र अर्घाखाँची बाहेक दश जिल्लाबाट टिम प्रतियोगितामा सहभागी हुने जानकारी दिए ।

हरेक जिल्लाबाट तीन जना पुरूष र तीन जना महिला सहितको टिम हुनेछन् । प्रतियोगितामा प्रथम हुने टिमले ५५ हजार ५५५, द्धितीयले ३३ हजार ३३३, तृतीयले २१ हजार १११ र सान्त्वनाले १५ हजार शिल्ड, मेडल र प्रमाणपत्र प्राप्त गर्नेछन ।

प्रतिष्ठानका सचिव योगराज पोखरेलले कार्यक्रममा ७०० कलाकारको सहभागिता रहने बताए । लुम्बिनी प्रदेश खेलकूद परिषदका सदस्यसचिव जयप्रकाश भट्टराईले दोहोरी खेल दिमाग खिवाउने खेल भएकोले खेलकूदको विधामा पनि पर्ने बताए ।

प्रतियोगितामा निर्णायक संमितिको संयोजकको जिम्मेवारीमा प्रतिष्ठानका केन्द्रीय सल्लाहकार खेमबहादुर हमाल रहेका छन् । प्रतियोगिताको बुटवल उपमहानगरपालिकाका प्रमुख खेलराज पाण्डेयले उद्घाटन गर्ने कार्यक्रम छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)