बिहिवार, बैशाख २७ २०८१

लागुऔषध प्रयोगकर्ताहरूको सूचनाको आधारमा बुटवलको बैदवार फार्मेसीमा छापा,संचालक पक्राउ

नागरिक अनलाइन

1.5K

लागुऔषध प्रयोगकर्ताहरूको सूचनाको आधारमा बुटवलको बैदवार फार्मेसीमा छापा,संचालक पक्राउ

बुटवल,बैशाख २७ ।

बुटवलको कालिकानगरस्थित कालिका पथमा रहेको बैदवार फार्मेसीका सञ्चालक पक्राउ परेका छन् । पक्राउ पर्नेमा फार्मेसी सञ्चालक कमलबहादुर बिक रहेका छन् । उनी अछामको तुर्माखाँद गाउँपालिका वडा नम्बर ८ का बासिन्दा हुन् ।

औषधि जस्तो संवेदनशील वस्तु डाक्टरको सिफारिसबिना बिक्री वितरण गर्ने गरेको र विभिन्न औषधि मिलाएर लागुऔषधका रूपमा युवाहरूलाई बिक्री वितरण गर्ने गरेको पाइएपछि ईलाका प्रहरी कार्यालय बुटवलले सञ्चालकलाई नियन्त्रणमा लिएको इलाका प्रहरी कार्यालय बुटवलका प्रमुख विजयराज पण्डितले बताए ।

लागु औषध प्रयोगकर्ताहरूको सूचनाको आधारमा मेडिकलमा छापा मारेको उनले बताए । डाक्टरको सिफारिसबिना औषधि बिक्री वितरण गरेको केही औषधिहरू लागुऔषधका रूपमा प्रयोग गर्ने गरी मिलाएर बिक्री गरेको पाइएको प्रमुख पण्डितको जानकारी दिए ।

प्रहरीले मेडिकल सञ्चालकको घरबाट ठूलो परिणाममा त्यस्ता औषधि फेला परेको बताएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)