शुक्रवार, बैशाख ७ २०८१

दाङमा आगलागी एक जेष्ट नागरिकको मृत्यु,दुई घर र एक गोठ जलेर नष्ट

नागरिक अनलाइन

1.1K

दाङमा आगलागी एक जेष्ट नागरिकको मृत्यु,दुई घर र एक गोठ जलेर नष्ट

दाङ, बैशाख ७ ।

दाङको लमहीमा घरमा आगलागी हुँदा एक जना जेष्ट नागरिकको मृत्यु भएको छ ।लमही नगरपालिका – ९ तरूलियाका ८७ वर्षीय बिरबहादुर बोटेको आगलागीका कारण मृत्यु भएको हो ।

बिहीबार बेलुका ५ बजेतिर स्थानीय बिरबहादुरको गोठबाट आगो सल्किएको थियो । इलाका प्रहरी कार्यालय अमिलिया प्रहरी प्रमुख प्रहरी निरीक्षक लालबहादुर श्रेष्ठका अनुसार केटाकेटीले लाइटर खेलाउने क्रममा खरको छानो युक्त गोठमा आगो सल्किएको खुलेको छ । आगो सल्किएर बिरबहादुरको घरसम्म पुगेको थियो । aago (2).jpg

आगो घरमा सल्किरहेको समयमा बिरबहादुर पैंशाको बाकस निकाल्न घर भित्र छिरेका थिए । पैंशाको बाकस निकालेर आइ सकेपनि फेरि उनी तोरीको बोरा निकाल्न घर भित्र प्रबेश गरेका थिए । सोही क्रममा उनी निसास्एिर लडेको र जलेर मृत्यु भएको प्रहरी निरीक्षक श्रेष्ठले बताए । त्यो घटना प्रहरी पुग्नु भन्दा पहिलै भएको थियो ।

बिरबहादुरको गोठबाट सल्किएको आगो जितबहादुर बोटेको घरसम्म फैलिएको थियो । आगलागी बाट दुई घर र एक गोठ जलेर नष्ट भएका छन् । जितबहादुर बोटेको घरको केही सामान भने निकाल्न संभव भएको प्रहरीले बताएको छ । लमही नगरपालिका र गढवा गाउँपालिकाको दमकल आगो नियन्त्रणमा लिनका लागि आएका थिए ।

आगो पूर्णरुपमा नियन्त्रणमा लिन राति साढे ११ बजेतिर मात्रै संभव भएको प्रहरीले जानकारी दिएको छ । aago (1).jpg