कौरव खत्री /बागलुङ,बैशाख २ ।

बागलुङको कालिका भगवती मन्दिरमा लाग्ने ऐतिहासिक चैत्राष्टमी मेलालाई लक्षित गरी नेपाली सेनाले स्वास्थ्य शिविर सञ्चालन गरेको छ ।
कालिका भगवती गुठी व्यवस्थापन समितीको आयोजनामा वैशाख १ गतेदेखि  मेला अवधीभर नेपाली सेना अन्तरगत बागलुङ्ग जिल्लामा तैनाथ श्री नं २३ बाहिनी अड्डाको संयोजकत्वमा श्री श्रीमेहर गण र श्री नं २३ फिल्ड गुल्मको संयुक्त प्रयासमा उक्त शिविर आयोजना गरिएको हो ।

कालिका मन्दिर दर्शनको लागि आउने दर्शनार्थी तथा मेला अवलोकनको लागि आउने भक्तजनहरुलाई वैशाख १ गते शनिवारबाट स्वास्थ्य सेवा केन्द्र सञ्चालनमा ल्याईएको हो ।

श्री श्रीमेहर गणका गणपति प्रमुख सेनानी धन राना मगरका अनुसार मेला अवधिभर उक्त शिविर सञ्चालन हुनेछ । शिविरबाट मन्दिरमा आउने श्रद्धालुहरुको स्वास्थ्यमा समस्या आएमा सामान्य देखि आकस्मिक स्वास्थ्य सेवा संगै जटिल समस्या भएकाहरुलाई तत्काल उपचारको लागि अस्पताल लैजान सहयोग पुर्याउने उहाँको भनाई छ ।

कालिका भगवती गुठी व्यवस्थापन समितिका अध्यक्ष कुमार खड्काले मेला अवधिभर नेपाली सेनाको यस किसिमको स्वास्थ्य सेवा केन्द्र स्थापना भई मन्दिर दर्शनार्थी र मेला अवलोकनकर्ताको स्वास्थ्यमा विशेष ध्यान दिई बागलुङ जिल्लामा आयोजना भएको ऐतिहासिक चैत्राष्टमी मेलालाई सफल तथा व्यवस्थित बनाउन सहयोग  पुगेको बताउनुभयो ।

नागरिक अनलाइन

लेखकबाट थप

• आइतवार, बैशाख २ २०८१०९:०७:४४

• Tags:

  # चैत्राष्टमी मेला

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान