बुटवल,चैत २२ ।

लुम्बिनी प्रदेशका मुख्यमन्त्री डिल्ली बहादुर चौधरीले राजानीमा दिनुभएको छ । सङ्घीय सरकारमा गठबन्धन परिवर्तन भएर नयाँ गठबन्धन परेपछि अल्पमतमा पर्नुभएका मुख्यमन्त्री चौधरीले पदबाट बिहीबार राजीनामा दिनुभएको हो । आज बसेको प्रदेशसभा बैठकलाई सम्बोधन गर्नुहुँदै उहाँले राजीनामा गरेको बताउनुभयो ।

मुख्यमन्त्रीले लुम्बिनी प्रदेशमा राप्रपा र नागरिक उन्मुक्ति पार्टीसहित साना दलको साथ लिएर सरकार जोगाउने प्रयास गरेपनि असफल भएपछि राजीनामाको गर्नुभएको हो । मुख्यमन्त्री चौधरी वैशाख १४ मा लुम्बिनी प्रदेशको मुख्यमन्त्रीमा नियुक्त भई वैशाख १९ मा विश्वासको मत प्राप्त गर्नुभएको थियो ।

मुख्यमन्त्री चौधरीले प्रदेशसभालाई सम्बोधन गर्नुहुँदै राजनीतिक उथलपुथलले सङ्घीयता खतरामा रहेको समेत बताउनुभयो । पटक–पटक सरकार बन्ने र भत्कने खेलले प्रदेशको औचित्य साबित गर्न नसकिने भन्दै अब दलहरू प्रदेश, सङ्घीयताको औचित्य पुष्टि गर्नेगरी छलफल गर्न आवश्यक रहेको बताउनुभयो ।

मुख्यमन्त्री चौधरीले राजीनामा गरेपछि लुम्बिनीमा नयाँ सरकारको गठनको बाटो खलेको छ । नयाँ गठबन्धनमा लुम्बिनी प्रदेशमा नेकपा माओवादी केन्द्रलाई मुख्यमन्त्री दिने सहमति भएको छ । गठबन्धनको नेतृत्व गर्दै माओवादीका संसदीय दलका नेता जोखबहादुर महरा मुख्यमन्त्री बन्नुहुनेछ ।

नागरिक अनलाइन

लेखकबाट थप

• बिहिवार, चैत्र २२ २०८००७:५५:०७

• Tags:

  # राजीनामा # लुम्बिनी प्रदेश # मुख्यमन्त्री डिल्लीबहादुर चौधरी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा