बुटवल चैत्र १० ।

ग्याष्ट्रो बुटवलमा एक बालकको सफल इन्डोस्कोपी गरिएको छ । कमैमात्रामा बालबालिकाहरुमा गरिने इण्डोस्कोपी ग्याष्ट्रो बुटवलमा पहिलो पटक गरिएको प्रालिका बरिष्ठ पेट आन्द्रा, कलेजो तथा प्यांक्रियाज रोग विशेषज्ञ डाक्टर मोहन भुसालले जानकारी दिनुभयो ।

डाक्टर भुसाल सहितको डाक्टरको टिमले चार वर्षीय बालकलाई बेहोस बनाएर पेटको इण्डोस्कोपी गरेको हो । पेटमा समस्या देखिनुका साथै बालकले तारन्तार बोमिटिङ गरिरेहेको र नरोकिएपछि सिद्धार्थ महिला तथा बाल अस्पतालले इण्डोस्कोपीका लागि ग्याष्ट्रो सेन्टरमा पठाएको थियो ।

सेन्टरमा उपलब्ध डाक्टर भुसाल सहित एनेस्थेसियोलोजिष्ट डाक्टर आनन्द अग्रहरी र डाक्टर सविर श्रेष्ठको टिमले बालकको इण्डोस्कोपी गरेको हो । इण्डोस्कोपीको रिपोर्ट पछि पुनः थप उपचारकालागि सिद्धार्थ महिला तथा बाल अस्पताल पठाइएको प्रालिले जनाएको छ ।

पेटको सम्पुर्ण उपचार गरिदै आएको ग्यास्टो सेन्टरमा अहिलेसम्म ५० भन्दाबढी विरामीको इण्डोसकोपी गरि सकेको उल्लेख गर्दै डाक्टर भुसालले आवश्यक परे अन्य विरामीलाई पनि बेहोस बनाएर इण्डोस्कोपी गर्न सकिने बताउनुभयो  ।

पेटमा विभिन्न खाले समस्या देखिएर आन्द्राका माथिल्लो भागको परिक्षण गरिने इण्डोस्कोपी तीन वर्षदेखि माथी सबै उमेरका बिरामीलाई गर्न सकिने डाक्टर भुसाालले जानकारी दिनुभयो । पेट, आन्द्रा, कलेजो तथा प्यांक्रियाज सम्बन्धीका बिरामीहरूलाई विशेषज्ञ सहितको टिमले ग्याष्ट्रो सेन्टरमा  फाइब्रोस्क्यान सेवा सहित सेवा सञ्चालनमा गर्दै आएको छ ।

नागरिक अनलाइन

लेखकबाट थप

• शनिवार, चैत्र १० २०८००८:३०:५६

• Tags:

  # इन्डोस्कोपी # ग्याष्ट्रो बुटवल

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान