बुटवल,पुस ११-

प्रमुख प्रतिपक्षी दल नेपाली कांग्रेसका सभापति शेरबहादुर देउवाले प्रतिनिधिसभा विघटन बिरुद्ध १३ गते हुने प्रदर्शनमा उत्रन आम नेता कार्यकर्तामा अपील गरेका छन ।

देउवा नै प्रधानमन्त्री केपी शर्मा ओलीसँगै संसद विघटनको पक्षमा उभिएको भन्ने आशंका व्यक्त भइरहँदा उनले १३ पुसका लागि तोकिएको प्रदर्शनमा उल्लेख्य सहभागिता जनाउन नेता कार्यकर्तामा अपिल गरेका हुन ।

आफ्नो अपिलमा देउवाले संविधानमा भएको ब्यवस्था प्रतिकुल, जनभावना विपरीतको कार्यविरुद्ध नेपाली कांग्रेस सम्पूर्णरुपले एकमतका साथ उभिएको दाबी समेत गरेका छन ।

कांग्रेसले गत बिहिबार बसेको केन्द्रिय समिति बैठकबाट १३ पुसमा १६५ वटै प्रतिनिधि सभा निर्वाचन क्षेत्रमा संसद विघटन बिरुद्ध बिरोध प्रदर्शन तोकेको छ ।

अपिलमा देउवाले पार्टी सदस्य, शुभचिन्तक तथा लोकतन्त्र पक्षधरहरुलाई विरोध प्रदर्शनमा सरिक भएर असंवैधानिक र अलोकतान्त्रिक कदमका विरुद्ध ऐक्यवद्धता प्रकट गर्न पनि आग्रह गरेका छन ।

कांग्रेसले सरकारले संसद विघटनको निणर्य लिए लगत्तै पदाधिकारी बैठक डाकेर प्रतिनिधि सभा विघटनको निणर्यलाई असंवैधानिक र  अलोकतान्त्रिक कदम भनेको थियो ।

नागरिक अनलाइन

लेखकबाट थप

• शनिवार, पौष ११ २०७७०४:१४:३०

• Tags:

  # शेरबहादुर देउवा # बिराेध # संसद विघटन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा