बुटवल,फागुन २४ ।

११४ औँ अन्तराष्ट्रिय नारी दिवस २०२४ को अवसर पारेर महिमा ज्योति चर्च दिदीबहिनी संगती बुटवल–११ देवीनगरले बुधवार अन्तरक्रिया कार्यक्रम गरेको छ ।

महिमा ज्योति चर्च दिदीबहिनी मण्डली समितिका अध्यक्ष दिदीबहिनी संगतिका अध्यक्ष कमला पाठकको अध्यक्षतामा भएको कार्यक्रममा  बुटवल उपमहानगरपालिकाका उपप्रमुख सावित्रादेवी अर्यालको प्रमुख आतिथ्यता रहेको थियो ।सो अवसरमा बोल्दै बुटवल उपप्रमुख सावित्रादेवी अर्यालले महिलाहरुले पुरुष सरह राज्यका हरेक तहमा अधिकार र श्रमको ज्याला लिनुपर्ने बताईन । उनले २१ औं शताब्दीमा पनि महिलालाई हेर्ने दृष्टिकोण परिवर्तन हुन नसकेको बताउँदै महिलाहरुलाई रोजगारसंग जोड्न सकेमा अगाडि बढन सक्ने बताईन् ।

बुटवल उपमहानगरपालिका वडा नं. ११ का वडा अध्यक्ष रामचन्द्र क्षेत्रीले बोल्दै २१ औं शताब्दीमा आईपुग्दा पनि महिला र पुरुषमा असमानता कायम रहेको बताउँदै महिला समानताले नै दिगो विकास हुने बताए ।त्यस्तैगरी सम्बद्ध बहुउद्देश्यीय सहकारी संस्थाका अध्यक्ष लोकराज शर्मा, महिमा ज्योति मण्डलीका अध्यक्ष कृष्ण प्रसाद शर्मालगायतको सहभागिता रहेको कार्यक्रममा ६ वटा महिला तथा आमा समुह, कोपिला ढुंगाना र दिपा अर्यालले कविता बाचन गरेका थिए । उनीहरुलाई प्रमाणपत्र तथा मायाको चिनो प्रदान गरिएको थियो ।

सो अवसरमा टोल विकास संस्थाहरुबाट सफल महिला समूहकी अध्यक्ष शान्ति घिमिरे, महिला÷आमा समुहको तर्फबाट पूर्व सिद्धनगर टोल विकास संस्थाकी अध्यक्ष माया ज्ञवालीलगायतले मन्तव्य राखेका थिए ।अन्तराष्ट्रिय नारी दिवसको उपलक्ष्यमा ‘निर्णय प्रक्रियामा महिलाहरुको सहभागिता’ विषयमा कविता प्रस्तुत गरिएको थियो ।

बुटवल तिलोत्तमा आमा समुह, जनजागरण आमा समुह,सफल आमा समुह,ज्योति परिषद् दिदीबहिनी संगति, श्रष्टा तथा नवोदित साहित्यकार दुर्गा थापा मगरलगायतले कविता वाचन गरेका थिए ।ज्योति मण्डली परिषद्का अध्यक्ष पाष्टर मनोहर पाठकको धन्यवाद तथा समर्पण प्रार्थना, दिदीबहिनी संगतिका समितिका सदस्य मनु थापाको स्वागत मन्तव्यमा भएको कार्यक्रमको सञ्चालन राधिका रानाले गरेकी थिईन् ।

नागरिक अनलाइन

लेखकबाट थप

• बुधवार, फाल्गुण २३ २०८००८:२१:३३

• Tags:

  # अन्तरक्रिया # महिमा ज्योति चर्च # अन्तराष्ट्रिय नारी दिवस

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी