बुटवल,फागुन २२ ।

गुल्मी चारपाला रुपन्देही सम्पर्क समाजले स्थापना दिवसको अवसरमा बुटवलमा रक्तदान गरेको छ । गुल्मीदरबार गाउँपालिका चारपालाबाट हाल रुपन्देहीमा विभिन्न पेशा, व्यवसाय र कर्मथलो बनाई बसिरहेका चालपालाबासीहरुको साझा संस्था गुल्मी चारपाला रुपन्देही सम्पर्क समाजले आफ्नो छैठौं स्थापना दिवसको अवसरमा रक्तदान कार्यक्रम गरेको हो ।

रक्तदान कार्यक्रमका प्रमुख अतिथि बुटवल उपमहानरपालिकाका प्रमुख खेलराज पाण्डेयले संस्थाले रक्तदान गरी पुण्य प्राप्तिको काम गरेको बताउनुभयो । रक्तदान गर्नुभनेको जीवनदान गर्नु सरह भएको भन्दै उहाँले गुल्मी चारपाला रुपन्देही समाजलाई धन्यवाद दिनुभयो । 

रक्तदान कार्यक्रमबाट ६० युनिट रगत संकलन गरिएको समाजकी अध्यक्ष उषा खत्रीले जानकारी दिनुभयो । अध्यक्ष खत्रीको अध्यक्षता नियमित रक्तदाता समाजका अध्यक्ष कृष्ण चौहानको विशिष्ट आतिथ्यता रहेको कार्यक्रममा संस्थाका सम्पूर्ण सल्लाहकार, कार्यसमितिका पदाधिकारी,वाडका संयोजकहरु तथा उपसमितिका सदस्यहरु, आजीवन सदस्यहरू, साधारण सदस्यहरु, रक्तदाता हरुको उपस्थिति रहेको थियो । 

समाजले विभिन्न रचनात्मक कार्यहरु गरी स्थापना दिवस मनाउँदै आएको छ ।

नागरिक अनलाइन

लेखकबाट थप

• मंगलवार, फाल्गुण २२ २०८००७:४२:५४

• Tags:

  # गुल्मी चारपाला रुपन्देही सम्पर्क समाज # रक्तदान

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग