बुटवल,फागुन १२।

नेपाल मगर संघ बुटवलले स्थापना दिवस मनाउने भएको छ । तीन दिवसीय कार्यक्रमको आयोजना गरी फागुन १५ गते ४२ औं मगर स्थापना दिवस मनाउन लागिएको शनिबार बुटवलमा पत्रकार सम्मेलन गरी जानकारी गराईएको छ ।

राष्ट्रको पहिचान र सम्वृद्विका लागि आन्दोलनका रुपमा स्थापना दिवस मनाइने मगर महिला संघ बुटवल नगर अध्यक्ष बसन्ती साठीघरे मगरले बताइन । उनले मगर दिवसको अवसरमा १३ गते आइतबार  नेपाल मगर संघको स्थापनाको उद्देश्य, राजनीतिक, सामाजिक, सांस्कृतिक विषयमा अन्तरक्रिया गरिने र १५ गते दीपनगरमा मूल समारोहको आयोजना गरी स्थापना दिवस मनाउने जानकारी गराइन ।

बुटवल क्षेत्रमा रहेका मगर समूदायलाई एकीकृत गरी रचनात्मक कार्यक्रमसहित स्थापना दिवस मनाउन लागिएको बुटवल नगर अध्यक्ष साठीघरे मगरले बताइन । आइएलओ १६९ लगायत अन्तर्राष्ट्रिय सन्धि सम्झौताहरुको पूर्णपालना गरी फागुन १५ गते सार्वजनिक विदा दिन बुटवल नगर अध्यक्ष बसन्ती साठीघरे मगरले माग गरिन् ।

नेपाल मगर संघ रुपन्देही उपाध्यक्ष थर्कबहादुर बारघरे मगरले राज्यले  नीतिगत रुपमा विभेद गरेको आरोप लगाउंदै विभेदकारी नीति कै कारण मगर समूदाय ओझेलमा परेको गुनासो गरे । मगर समूदायले सामाजिक काममा समेत काम गरेको क्याप्टेन किशनबहादुर थापा मगरले बताए ।

नागरिक अनलाइन

लेखकबाट थप

• शनिवार, फाल्गुण १२ २०८००५:०४:१५

• Tags:

  # नेपाल मगर संघ

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा