मंगलवार, माघ २३ २०८०

तिनाउ ईङ्लिस बोर्डिङ स्कुलमा अभिभावक ,शिक्षक तथा बिद्यार्थीकाबिचमा अन्तरक्रिया

नागरिक अनलाइन

966

तिनाउ ईङ्लिस बोर्डिङ स्कुलमा अभिभावक ,शिक्षक तथा बिद्यार्थीकाबिचमा अन्तरक्रिया

बुटवल,माघ २३ ।

तिनाउ ईङ्लिस बोर्डिङ स्कुल बुटवल ११ देविनगरमा अभिभावक ,शिक्षक तथा बिद्यार्थीका बिचमा अन्तरक्रिया सम्पन्न भएको छ । स्कुलले नियमित रूपमा कक्षागत रूपमा अभिभावकहरूका बिचमा अन्तरक्रिया गर्दै आईरहेको प्राचार्य सीता पाण्डेले बताउनुभयो । आज कक्षा ३ मा अध्ययनरत बिद्यार्थीका अभिभावकहरूका बिचमा अन्तरक्रिया भएको हो ।

सो अवसरमा बिद्यालयका अध्यक्ष यज्ञमूर्ति पाण्डेले तिनाउ नेपालमै क बर्गमा सुचिकृत बिद्यालय रहेको र सबै प्रकारको गुणस्तरमा अब्बल रहेको दाबि गर्नुभयो । पाण्डेले तिनाउलाई थप उचाईमा पुर्याउनका लागि सबै अभिभावक ,शिक्षक र बिद्यार्थीको अहम भूमिका रहने उल्लेख गर्नुभयो ।

सो अवसरमा बिद्यालयका एकेडेमीक चिफ हरि बस्याल ,नेपाली बिषय प्रमुख सुन्दर बेल्बासे,सल्लाहकार बाबुराम सुवेदी, सहसंयोजक तथा ईसिए ईन्चार्ज अग्निधर पोखरेल लगायतले बोल्नुभएको थियो । १ हजार ४ सय बिद्यार्थी रहेको तिनाउ स्कुलमा कक्षा ३ मा भने १५० बढि बिद्यार्थी अध्ययनरत रहेका छन् ।

सो अवसरमा बिद्यार्थीले सांस्कृतिक कार्यक्रम तथा कला प्रस्तुत गरेका थिए ।सो अवसरमा अभिभावकहरू राजु सेजाल,सन्जु पाण्डे ,चन्द्रा गोदार,बिष्णु काफ्ले,मन्जु गैरे,बिमला पौडेल,कृष्ण थापा लगायतले बोलेका थिए ।

सो अवसरमा बोल्ने अभिभावकहरूले बिद्यालयले बिद्यार्थीको रुचि र आवश्यकता अनुसारका खेल खेलाउनुपर्ने,समय समयमा शिक्षक परिवर्तन गर्न नहुने,सकेसम्म न्युनतम मासिक र परीक्षा फि बनाउनुपर्ने ,सुचना प्रविधिको उच्चतम प्रयोग गर्नुपर्ने लगायतका सुझाव दिएका थिए । बिद्यालयले फागुण २ गते सरस्वती पूजाका दिनमा निशुल्क भर्ना अभियान समेत रहेको जानकारी दिएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)