बुटवल, माघ २१ ।

बुटवल–११ देवीनगरस्थित सम्बन्ध बहुउद्देश्यीय सहकारी संस्था लिमिटेडले आफ्नो पाँचौ स्थापना दिवसको अवसरमा  सरसफाई कार्यक्रम सम्पन्न गरेको छ ।

समाजमा सरसफाईबारे चेतना जगाउँदै रचनात्मक रूपमा स्थापना दिवस मनाउने उद्देश्य सहित सिमामार्ग सुन्दरचोकदेखि देवीनगर चौपारीसम्म सरसफाई गरिएको हो । सो अवसरमा बोल्दै बुटवल उपमहानगरपालिका वडा नम्बर ११ का वडा अध्यक्ष रामचन्द्र क्षेत्रीले समग्र सरसफाईमा उत्तम तरिकाहरुबारे नागरिकमा चेतनाको विकास आवश्यक रहेको बताए । अध्यक्ष क्षेत्रीले स्वास्थ्य र सरसफाईबारे न्यूनतम ज्ञान विकास गर्दै सरसफाईबारे रणनीति नैं बदल्नुपर्ने बताए ।

कार्यक्रममा सहकारीका अध्यक्ष लोकराज शर्माले वातावरण र सरसफाई सम्बन्धी चेतना वृद्धि गर्ने गरी विगतका वर्षहरुमा जस्तै रचनात्मक रूपमा स्थापना दिवस मनाइएको बताए ।अध्यक्ष शर्माले स्थापनाको छोटो समयमा सहकारी जनताको रोजाइमा पर्न सफल समेत भएको दावी गरे । सम्बन्ध सहकारी बुटवल उपमहानगरपालिकामा दर्ता भएको पहिलो बहुउद्देश्यीय सहकारी हो ।

सहकारीमा ७०० भन्दा बढी शेयर सदस्यहरु भइसकेका छन् । सहकारी अध्यक्ष लोकराज शर्माको धन्यवाद ज्ञापन तथा सचिव कमल नेपालको सञ्चालनमा कार्यक्रम सम्पन्न भएको थियो ।

नागरिक अनलाइन

लेखकबाट थप

• आइतवार, माघ २१ २०८००९:०६:२८

• Tags:

  # सम्बन्ध बहुउद्देश्यीय सहकारी

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान