बुटवल,माघ १६ ।

नेपाल कपडा तथा सिलाई व्यवसायी संघ बुटवल उपमहानगरपालिकाको छैटौं साधारणसभा तथा चौथो अधिवेशन बुटवलमा सम्पन्न भएको छ । बुटवल उपमहानगरपालिकाका नगर प्रमुख खेलराज पाण्डेले कार्यक्रमको समुद्घाटन गरेका थिए ।

उनले परम्परागतरुपमा कुनै जाती विशेषले सुरुवात गरेको सिलाई पेशा अहिले सबै समुदायले व्यवसायको रुपमा सञ्चालन गरेको बताए । उनले परम्परागत पेशालाई आधुनिकीकरण गर्दै सीपलाई शिक्षासंग जोडेर अगाडि बढ्न आग्रह गरें । व्यवसायीको हकहितका लागि स्थानीय सरकारले जतिबेला पनि सहयोग गर्न तयार रहेको समेत बताए  ।

त्यस्तैगरी नेपाल कपडा तथा सिलाई व्यवसायी संघका केन्द्रीय उपाध्यक्ष रामकुमार रणपालले बोल्दै सिलाई पेशा पछिल्लो समय धरासायी बनेकोले राज्यले व्यवसायीको हितमा काम नगरेको गुनासो गरें । उनले यो पेशाको संरक्षण र प्रबद्र्धन गर्न व्यवसायीहरु आफै लाग्ने बेला आएको बताए ।

त्यस्तैगरी कार्यक्रममा नेपाल कपडा तथा सिलाई व्यवसायी संघका केन्द्रीय मानार्थ सदस्य तथा परियार सेवा समाज रुपन्देहीका अध्यक्ष लोक बहादुर नेपाली,  नेपाल कपडा तथा सिलाई व्यवसायी संघ रुपन्देहीका कार्यबाहक अध्यक्ष तुलसी भण्डारी, बुटवल उपमहानगरपालिका वडा न. १८ का वडा अध्यक्ष गुरुप्रसाद पंगेनीलगायतले मन्तव्य राखेका थिए  ।

‘व्यवसायिक एकता एकता हाम्रो प्रतिवद्धता,उत्पादन नयाँ सिर्जनशीलता आजको आवश्यकता’ भन्ने मुल नारासहित स्थापित संस्थाका अध्यक्ष राजेन्द्र प्रसाद यादवले वार्षिक प्रतिवेदन प्रस्तुत गरेका थिए । संस्थाका अध्यक्ष राजेन्द्र यादवको अध्यक्षता, जिल्ला उपाध्यक्ष होमाया गुरुङको स्वागत मन्तव्यमा भएको कार्यक्रमको सञ्चालन नगर सचिव  अनुपमा श्रेष्ठले गरेकी थिईन् ।

अध्यक्षमा पुनः यादव निर्वाचित :

चौथो अधिवेशनबाट आगामी कार्यकालका लागि पुनः  राजेन्द्र प्रसाद यादवको अध्यक्षतामा नयाँ नेतृत्व चयन भएको छ । जसको वरिष्ठ उपाध्यक्षमा विजेन्द्र रणपाल, महिला उपाध्यक्षमा अनुपमा श्रेष्ठ, उपाध्यक्षमा राज कुमार परियार, सचिवमा अनिल परियार, सहसचिवमा कपिल परियार, कोषाध्यक्षमा जीवन रणपाल र  सहकोषाध्यक्षमा कल्पना थापा सर्वसम्मतरुपमा निर्वाचित भएका छन् ।

त्यस्तैैगरी कार्यसमिति सदस्यहरुमा गोविन्द सुनार, सीता थापा, सुशिल दिसा मगर, रामचन्द्र परियार, र सुकमाया चौधरी निर्वाचित भएका छन् । नवनिर्वाचित पदाधिकारी तथा कार्यसमितिलाई प्रदेश सचिव सुवास परियारले सपथग्रहण गराएका छन् ।

नागरिक अनलाइन

लेखकबाट थप

• मंगलवार, माघ १६ २०८००८:१५:१८

• Tags:

  # कपडा तथा सिलाई व्यवसायी संघ बुटवल

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान