गुल्मी, माघ ४ ।

गुल्मीमा महिलालाई नौमती बाजा हस्तान्तरण गरिएको छ । जिल्लाको इस्मा गाउँपालिकाको स्वीकृत कार्यक्रम अनुसार वडा नम्बर– ४ हुलका मगर समुदायका महिलाहरुलाई संस्कृति संरक्षणका लागि नौमती बाजा हस्तान्तरण गरिएको हो । 

जनजातिमध्ये मगर समुदाय बाहुल्यता रहेको यहाँ सांस्कृतिक विविधतामा एकता कायम राख्नका लागि नौमती बाजा हस्तान्तरण गरिएको हो । मगर समुदायको पराम्परागत संस्कृति संरक्षणका लागि नौमती बाजा हस्तान्तरण गरिएको छ । 

लोप हुँदै गइरहेको परम्परागत र मौलिक नौमती बाजाको संरक्षणका लागि गाउँपालिकाले महिलाहरुलाई नौमती बाजा हस्तान्तरणसंगै सीप पनि सिकाउने गाउँपालिका अध्यक्ष भगतसिंह खड्काले बताउनुभयो । 

मगर समुदाय भित्रका महिला दिदिबहिनीहरुलाई बाजा बजाउन सिकाइ सांस्कृतिकसँगै आर्थिक रुपमा परिपक्व बनाउने गाउँपालिकाको लक्ष्य रहेको उहाँले बताउनुभयो । आवश्यकता अनुसार गाउँपालिकाले नौमती बाजा बजाउने तालिम समेत प्रदान गर्ने भएको छ । 

त्यहाँका महिलालाई करिब दुई लाख रुपियाँ बराबरको नौमती बाजा हस्तान्तरण गरिएको छ । अहिले यहाँका महिला दिदिबहिनीहरुले राम्रोसँग बाजा बजाउन सिक्नुभयो भने प्रभावकारी रुपमा यसलाई अगाडि बढाउन सकियो भने कालान्तरमा सबै वडाहरुमा महिला नौमती बाजा समूह बनाउने उद्देश्य रहेको गाउँपालिकाले जनाएको छ । 

बाजालाई सहि सदुपयोग गर्न आग्रह गर्दै यसबाट महिला दिदीबहिनीहरुले मनग्य लाभ लिन जरुरी रहेको गाउँपालिका उपाध्यक्ष पार्वती कुँवरले बताउनुभयो । बाजा टुट्ने फुट्ने गरि कसैको घरमा राख्न नहुने जुन उद्देश्यले तपाईंहरुले माग गर्नुभएको हो त्यो पूरा गर्न जरुरी रहेको उहाँले बताउनुभयो । 

गाउँपालिकाबाट नौमती बाजा पाएसँगै त्यहाँ महिलाहरु अत्यन्तै खुसी देखिएका थिए । उहाँहरुले राम्रोसँग नौमती बाजा बजाउन सिकेर अरुलाई पनि प्रेरणा मिल्ने गरी अगाडि बढ्ने भन्दै गाउँपालिकालाई धन्यवाद दिनुभयो ।

नागरिक अनलाइन

लेखकबाट थप

• बिहिवार, माघ ४ २०८००३:४४:५४

• Tags:

  # नौमती बाजा

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने