बुटवल,माघ ३ ।

गुल्मीको धुर्कोट गाउँपालिका–३ हाडहाडेकी बिष्णु घर्ती (मनिषा) ले एकै वर्षमा पाँच लोक सेवा उत्तीर्ण गरेकी छन् । २३ वर्षिय घर्ती १० महिनाको अवधिमा पाँच लोकसेवा उत्तीर्ण गरेकी हुन्।  

स्टाफ नर्स प्राविधिक शिक्षा तथा बुटवल कालिका क्याम्पसबाट स्नातक तह उत्तीर्ण गरेकी घर्तीले विभिन्न प्रदेशबाट लिएको परिक्षामा उत्तीर्ण भएकी हुन् । कोशी प्रदेश लोक सेवा आयोगअन्तर्गत स्वास्थ्य सेवातर्फ पब्लिक हेल्थ नर्सिङ समूहको सहायक चौथो तहमा नाम निकालेपछि उनि ओखलढुंगा जिल्लाको चम्पादेवी गाउँपालिका सिफारिस भएकी हुन् ।

त्यसपछि उनले लुम्बिनी प्रदेश लोकसेवा आयोगले लिएका प्रदेश निजामती सेवाअन्तर्गत प्रदेश स्तरीय स्वास्थ सेवाअन्तर्गत पब्लिक हेल्थ नर्सिङ समूहको सहायक चौथो तह समेत उत्तीर्ण गरिन् । आपनो प्रयासमा उनी निरन्तर लागिरहिन् र एकपछि अर्को गदै उनले आयोगका परीक्षामा उत्तीर्ण हुँदै गइन् र कहिल्यै पछि हटिन् ।

त्यसलगतै उनले लुम्बिनी प्रदेश लोकसेवा आयोग, प्रदेश निजामती सेवाअन्तर्गत स्थानीय स्तरीयको स्वास्थ सेवा पब्लिक हेल्थ नर्सिङ समूह सहायक चौथो तह, बागमती प्रदेश लोकसेवा आयोगले लिएको स्वास्थ्य सेवातर्फको जनरल नर्सिङ समूह पाँचौ तह, संघीय लोक सेवा आयोग केन्द्रिय कार्यालय काठमाडौंले लिएको स्वास्थ्य सेवातर्फको प्राविधिक नर्सिङ समूह अन्तर्गत पाँचौ तहमा उत्तीर्ण गदै आफनो प्रयासमा सफल भइन् ।

एकै वर्षमा पाँच लोक सेवा उत्तीर्ण भएको सुनेर उनका बुवा तारा बहादुर घर्ती क्षेत्री र आमा सीता घर्ती क्षेत्री निकै खुसी भएका थिए ।अहिले उनी बुटवलस्थित लुम्बिनी प्रादेशिक अस्पतालमा नर्सिङ पाँचौ तहमा कार्यरत छिन् ।

नागरिक अनलाइन

लेखकबाट थप

• बुधवार, माघ ३ २०८००७:०८:५७

• Tags:

  # लोक सेवा परिक्षा उत्तीर्ण # बिष्णु घर्ती

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने