बुटवल,माघ १ ।

नयाँगाउँ खानेपानी उपभोक्ता तथा सरसफाई संस्थाले १० औं विश्व स्ट्रेन्थ लिफ्टिङ्ग एण्ड आईबिपि च्याम्पियनसिप–२०२३ मा विश्व रेकर्ड कायम गर्ने खेलाडी दिलिप थापालाई सम्मान गरेको छ ।

बुटवल १२ ढवाहा निवासी १८ वर्षीय थापाले भारतकोे हैदरावादमा सम्पन्न सो प्रतियोगितामो ५९ तौल समूहमा विश्व रेकर्ड कायम गरेका थिए ।  थापाले २०५ केजी उठाएर विश्व रेकर्ड राखेका हुन् ।

उनले नवौंं आयोजनामा बनेको विश्व रेकर्ड ब्रेक गरेर नयाँ रेकर्ड कायम गर्न सफल भएका थिए ।  नयाँगाउँ खानेपानिले आइतबार एक कार्यक्रमको आयोजना गरी विश्व रेकर्ड कायम गर्न सफल थापालाई नगद २५ हजारसहित सम्मान गरेको हो । 
सम्मान कार्यक्रमा बोल्दै बुटवल उपहानगरपालिका १२ का वडाध्यक्ष डिल्लीप्रसाद शर्माले वडाले खेलाडीलाई सम्मान र आवश्यक सहयोग गर्ने बताए । साथै सानै उमेरमा वडा र देशको नाम राख्न सफल भएको खेलाडी थापालाई धन्यवाद व्यक्त गरी आगमी दिनमा पनि यस्तै रेकर्ड कायम राख्ने गरी अघि बढ्न आग्रह गरे ।

यस्तै बुटवल उपमहानगरपालिकाका सुशासन समितिका संयोजक तथा वडा सदस्य गंगादत्त पौडेलले वडाले खेलाडीलाई सम्मान र प्रोत्साहन गर्ने बताए । कार्यक्रममा नयाँ गाउँ खानेपानी संस्थाकी अध्यक्ष रमा केसीले खेलाडी थापालाई हौसला प्रदान गर्नको लागि सम्मान गरिएको बताइन् । साथै उनले नयाँ गाउँ खानेपानीले अन्य कुनै सहयोग आवश्यक परेमा सक्दो सहयोग गर्ने प्रतिबद्धता व्यक्त गरिन् ।   

संस्थाका सचिव ओमप्रसाद भट्टराईको संचालनमा भएको कार्यक्रममा उपाध्यक्ष मिना जिसीले स्वागत मन्तव्य राखेकी थिइन् ।  यस अघि बुटवल उपमहानगरपालिका वडा नम्बर १२ ले खेलाडी थापालाई नगदसहित सम्मान गरेको थियो ।

• भारत्तोलनमा विश्व च्याम्पियन दिलिपलाई बुटवल १२ ले गर्यो नगदसहित सम्मान

नागरिक अनलाइन

लेखकबाट थप

• सोमवार, माघ १ २०८०१०:३१:३३

• Tags:

  # नयाँगाउँ खानेपानी # दिलिप थापा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा