बुटवल,पुस  २७ ।

बुटवलमा राष्ट्र निर्माता पृथ्वीनारायण शाहको शालिक अनावरण गरिएको छ । बुटवल–भैरहवा सिद्धार्थ राजमार्ग अन्तर्गत बुटवल कालिकानगरमा निर्माण गरिएको शाहको शाालिक ३०२ औं पृथ्वी जयन्ती तथा राष्ट्रिय एकता दिवसको अवसर पारेर आज अनावरण गरिएको हो ।

राप्रपाका नेता रुपसिंह थापा, निलम अधिकारीलगायतको अगुवाइमा बुटवल उपमहानगरपालिका– १० राजमार्ग चौराहादेखि दक्षिणतर्फ सडकको हरियाली क्षेत्रमा उक्त सालिक निर्माण गरिएको हो ।

करिब १७ लाख रुपैयाँको लागतमा मूर्तिकार राजु तुलाधरले उक्त शालिक निर्माण गरेको थापाले जानकारी दिनुभयो । सो शाालिक निर्माणको लागि बुटवल उपमहानगरपालिकाले ५ लाख र वडा नम्बर १० ले ५० हजार रुपैयाँ उपलब्ध गराएको उहाँको भनाइ छ । अपुग रकम भने स्थानीय पृथ्वीनारायण मार्गका बासिन्दा र दाताहरुबाट संकलन गरिएको हो ।

राप्रपा नेता रुपसिंह थापाको अगुवाइमा गत वर्षको पुस २७ गते सालिक निर्माणको शिलान्यास गरिएको थियो । बुटवल उपमहानगरपालिका– १० का वडा अध्यक्ष बलु पुनले शिलान्यास गरेको उक्त सालिकको अनावरण भने थापाले गर्नुभयो ।
ढलोटबाट निर्माण गरिएको सो शाालिक सात फिट अग्लो छ ।

शाहको शालिकपछि सो स्थानमा आजैबाट चहलपहल बढेको छ ।

नागरिक अनलाइन

लेखकबाट थप

• शुक्रवार, पौष २७ २०८००८:०१:५३

• Tags:

  # पृथ्वीनारायण शाह

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी