बुटवल,मंसिर २६ ।

रुपन्देहीको तिलोत्तमा नगरपालिका वडा न ६ कार्यालयले ज्येष्ठ नागरिकलाई सम्मान गरेको छ । वडा नम्बर ६ मा बस्ने ८०बर्ष देखि ८५ वर्ष सम्मका ६५ जना ज्येष्ठ नागरिकलाई सम्मान गरिएको हो ।

उहाँहरुको स्वास्थ्य परीक्षण गरी कम्मल, यातायात खर्च र सम्मान–पत्रसहित सम्मान गरिएको वडाअध्यक्ष गणेश पाठकले जानकारी दिनुभयो । वडाध्यक्ष पाठकका अनुसार गतबर्ष पनि वडामा यसप्रकारको कार्यक्रम गरिएको थियो । ‘ज्येष्ठ नागरिकलाइ सम्मान गर्न सके पो नयाँपुस्ताले सिक्छन् र सबैले सम्मान पाइन्छ । ’ उहाँले भन्नुभयो ।  

सो अवसरमा बोल्दै नगरप्रमुख रामकृष्ण खाणले परिवारको खुसी भनेकै ज्येष्ठ नागरिक भएकाले सम्पत्तिको लागि भन्दा पनि उनीहरुलाई समयमा हेरचाह र मायाको खाँचो रहेको बताउनुभयो ।आफ्ना बुवाआमालाई राम्रोसँग हेरचाह नगरेको कुनै समस्या पालिकाभित्र देखापरेका नगरमा खबर गर्न समेत उनले आग्रह गर्नुभयो ।

ठुलाबडाको आशीर्वादले नै साना अघि बढ्न सक्छन्, उहाले भन्नुभयो– ‘ज्येष्ठ नागरिकलाई सम्मान गर्न नजान्ने सन्तानले सुख पाउँदैन । ’संस्कार, रिती रिबाज जोगाउन समेत ज्येष्ठ नागरिकले सिकाउने भन्दै उहाँले पालिकाले उहाहरुका लागि विभिन्न कार्यक्रम गर्ने गरेको जानकारी समेत दिनुभयो ।

सम्मानित ज्येष्ठ नागरिकले आफुहरुलाइ खुसी लागेको भन्दै धन्यबाद ज्ञापन गरेका छन् ।

नागरिक अनलाइन

लेखकबाट थप

• मंगलवार, मंसिर २६ २०८००७:२६:५०

• Tags:

  # सम्मान # तिलोत्तमा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा