बुटवल,मंसिर २२ ।

पहिलो पाईला नेपाल बुटवल शाखाको आयोजना तथा मेट्रो आई केयर काठमाडौ र मेट्रो आई केयर लुम्बिनीको प्राविधिक सहयोगमा निशुल्क आँखा उपचार शिविर तथा मोतियाविन्दुको निशुल्क अपरेशन गर्ने कार्यक्रम समापन गरिएको छ ।

पहिलो पाईला नेपाल बुटवल शाखाले बुटवल आसपासको क्षेत्रमा २०८० मंसिर १५ गतेवाट १९ गतेसम्म समुदायस्तरमा आँखा रोगीहरुलाई खोज गरि मोतियाविन्दु भएका विरामीहरुलाइ मंसिर २०, २१ र २२ गते निशुल्क सल्यक्रिया गरिएको हो ।

बुटवल आसपासमा रहेका बृद्दाश्रम, मानवसेवा आश्रम तथा विभिन्न वडाहरुमा स्थानिय सरकारको सहयोगमा समुदायस्तरमा आँखा रोगीहरुलाइ खोज गरि निशुल्क औषधी वितरण गरिएको थियो साथै मोतियाविन्दु भएका बिरामीहरुलाई निशुल्क सल्यक्रिया गरिएको हो  । उक्त कार्यक्रमबाट करिव १ हजार जना आँखा रोगीहरुको आँखा जाँच, करिव ४ सय जना आँखा रोगीहरुलाई आँखा जाँच तथा औषधी वितरण गरिएको थियो भने १ सय ६ जना विरामीहरुको मोतियाविन्दुको शल्यक्रिया गरिएको हो ।

आर्थिक रुपले कमजोर भएका ब्यक्तिहरुलाई लक्षित गरि आँखा शिविर सञ्चालन गरिएको र सोहीअनुसारका विरामीहरु यश शिविरबाट लाभान्वित भएको संस्थाका बुटवल शाखा अध्यक्ष विनोद बस्यालले बताउनुभयो । साथै सामाजिक क्षेत्रमा क्रियाशिल रहेको पहिलो पाईला नेपालले सामाजिक सेवामुलक क्षेत्रमा गरिव, विपन्न, दलित ब्यक्तिहरु लक्षित कार्यक्रम गरिरहेको वताउदै यश कार्यक्रमबाट आँखाको ज्योती कमजोर भएका तथा आँखाका रोगीहरुलाई यश शिविरमा समावेश गर्न पाउँदा खुसी लागेको कुरा ब्यक्त गर्नुभएको थियो ।

पहिलो पाईला नेपालले सञ्चालन गरेको निशुल्क आँखा उपचार तथा मोतियाविन्दुको शल्यक्रिया गर्ने कार्यक्रममा मानवसेवा आश्रम बुटवल र तिलोत्तमा बाट ११ जना मोतियाविन्दु आँखाको ज्योती कमजोर भएका बुवा आमाहरुको शल्यक्रिया गरेको जानकारी दिदै मानवसेवा आश्रम तिलोत्तमाकि प्रमुख टीका थापाले पहिलो पाईला नेपाल बुटवल शाखालाई धन्यवाद ब्यक्त गर्नुभएको थियो ।

कमजोर भएको आँखाको दृष्टि फर्काउन पहिलो पाईला नेपालको यो शिविरबाट सफल भएकोमा खुसी ब्यक्त गर्दै बुटवल १५ निवासी ७८ बर्षिया शशिकला गौतमले संस्थाको प्रगतिको कामना गर्नुभएको थियो ।

सामाजिक क्षेत्रमा बिद्यमान समस्याहरुको निराकरणका निम्ति पहिलो पाईला नेपालले सामाजिक सेवामुलक क्षेत्रमा निरन्तर क्रियाशिल छ । शिक्षा, स्वास्थ, सरससफाई, नेतृत्व तथा ब्यक्तित्व बिकासका क्षेत्रमा पहिलो पाईला नेपालले सामाजिक कार्यहरु गरिरहेको छ ।

नागरिक अनलाइन

लेखकबाट थप

• शुक्रवार, मंसिर २२ २०८००७:०७:१४

• Tags:

  # नि:शुल्क आँखा उपचार शिविर

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?