काैरव खत्री /बागलुङ,मंसिर २२ ।

बागलुङको गलकोट नगरपालिका वडा न ९ रिस्मी छिस दरबार स्थित श्री लक्ष्मी नारायण विविध सेवा दिव्य धाम मन्दिरको निर्माण कार्य अन्तिम चरणमा पुगेको छ । साथै त्यसक्षेत्रकाे समुदायकाे आस्थाको धरोहरकाे रूपमा रहेको मन्दिर सहितका संरचना निर्माणको काम अन्तिम चरणमा पुगेको छ ।

पुरानो लक्ष्मी नारायण मन्दिर जिर्ण र पुरानो बन्दै गएपछि स्थानीयहरुले मन्दिरको नयाँ भवन निर्माणका लागि महायज्ञ सञ्चालन गरेका थिए । साथै २०७८ सालमा पञ्चकुण्डीय हवनात्मक साङ्ग लक्ष्मीनारायण महायज्ञ तथा विश्व जागरणात्मक धार्मिक महोत्सवबाट संकलित रकमबाट अहिले धमाधम मन्दिर निर्माण सहित अन्य संरचना निर्माणका काम अन्तिम चरणमा पुगेको मन्दिर समितिका अध्यक्ष ईन्द्रमणी सापकोटाले जानकारी दिनुभयो ।

साथै उहाँले मन्दिरसंगै महायज्ञको उदेश्य अनुसार गौशाला र वृद्धाश्रम निर्माणको काम पनि अन्तिम चरणमा पुगेको सापकोटाकाे भनाइ छ । साथै महायज्ञबाट संकलन भएकाे रकमले जग्गा खरिद, वृद्धाश्रम भवन लगायतका संरचना निर्माण कार्य भइरहेकाेले अवको ३/४ महिना भित्रै मन्दिरकाे निर्माण कार्य सम्पन्न हुने मन्दिर समितिका सचिव ढगिन्द्र सापकोटाले जानकारी दिनुभयो । त्यस्तै पर्यटकीय हिसाबले पनि लक्ष्मीनारायण मन्दिरमा महत्त्वपूर्ण मानिन्छ ।

२०२५ सालमा स्थापना भएको लक्ष्मीनारायण मन्दिर जीणद्धार जिर्णोद्वार एवं विविध सेवा सहितको दिव्यधाम निर्माणसंगै यसको संरक्षण र संम्वद्वनका लागि समेत सबै एकजुट हुने समिति सदस्य एवम् स्थानीय समाजसेवी प्रेम सागर सापकोटाले बताउनुभयो । साथै उहाँले अग्रजले स्थापना गरेको ऐतिहासिक मन्दिर संरचनाकाे निर्माणसंगै यस्तो सम्पदाकाे अस्तित्व जिवन्त राख्ने विषयमा समेत समिति क्रियाशिल रहने उहाँको भनाई छ ।

नागरिक अनलाइन

लेखकबाट थप

• शुक्रवार, मंसिर २२ २०८००४:०९:४४

• Tags:

  # लक्ष्मी नारायण विविध सेवा दिव्य धाम

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?