कौरव खत्री/ गुल्मी,मंसिर ८ ।

बागलुङको पाण्डवखानी  माध्यमिक विद्यालयमा बृहत आर्थिक  सहयोग संकलन अभियान सुरू गरिएको  छ । गलकोट नगरपालिका १० पाण्डवखानी स्थित रहेको पाण्डवखानी  माध्यमिक विद्यालयको हिरक जयन्ती महोत्सवको अवसरमा  विद्यालयलाई विभिन्न व्यक्तिहरुबाट  करिव १२ लाख बराबरको  चन्दा सहयोग  बोल भएको पाण्डवखानी  माध्यमिक विद्यालयका  प्रधानाध्यापक नर बहादुर सुनार नविनले जानकारी दिनुभयो ।

साथै विद्यालय स्थापना भएको ६०औं बर्ष पुरा गरेको अवसरमा “समय सापेक्ष गुणस्तरीय शिक्षास सुदृढ र सक्षम विद्यालय हाम्रो इच्छा ” भन्ने मुल नारा सहित यहि मंसिर २९ गते देखि पौष ३ गतेसम्म विद्यालयमा हिरक महोत्सव गर्न लागिएको विद्यालयका प्रधानाध्यापक सुनारले जानकारी दिनुभयो ।
साथै विद्यालयको शैक्षिक गुणस्तर अभिवृद्धि गर्ने तथा प्राविधिक धारसहितको उच्च शिक्षाको जग बसाल्ने मुख्य लक्ष्यका साथ हीरक जयन्ती महोत्सव मनाउन गइरहेको पाण्वबखानी माध्यमिक विद्यालय  प्रधानाध्यापक सुनारले जानकारी दिनुभयो ।

साथै हिरक जयन्ती महोत्सवका अवसरमा हिज्जे प्रतियोगिता, गणित दौड, हाजिरीजवाफ र वक्तृत्वकला प्रतियोगिता,पूर्व विद्यार्थीवीच मैत्रीपूर्ण भलिवल तथा व्याडमिन्टन प्रतियोगिता,विशिष्ट राष्ट्रिय व्यक्तित्वबाट बृहत शैक्षिक अन्तर्क्रिया तथा उत्प्रेरणामूलक कार्यक्रम,दानवीर सम्मान, विशिष्ट सामाजिक प्रतिष्ठा र ख्याती कमाएका पूर्व विद्यार्थी सम्मान, भवनदाता सम्मान, छात्रवृत्तिदाता र अक्षयकोषदाता सम्मान, अमूल्य योगदान गर्ने व्यक्तित्वहरूलाई सम्मान लगायत राष्ट्रिय कलाकार तथा  स्थानीय घाटु, सोरठी, यानीमाया, ठाडो भाका सहित  विद्यार्थीहरूका साँस्कृतिक प्रस्तुतिहरू  सञ्चालन हुने विद्यालयका प्रधानाध्यापक सुनारले जानकारी दिनुभयो ।

त्यस्तै २०१८ सालमा स्थापना भएको विद्यालयमा हाल भने कक्षा १२ सम्मका कक्षाहरु सञ्चालन हुदै आइरहेका छन् । साथै विद्यालयका प्रधानाध्यापक सुनारले हिरक जयन्ती महोत्सवको अवसरमा आ आफ्नो ठाउँबाट  सबैको साथ, सहयोग र सहभागिताका लागि अनुरोध गर्नुभयो  ।साथै हीरक जयन्ती महोत्सवलाई लक्षित गर्दै गत मंसिर ५ गतेदेखि बृहत आर्थिक अभियान सञ्चालन गरिएको छ ।

नागरिक अनलाइन

लेखकबाट थप

• शुक्रवार, मंसिर ८ २०८००१:४२:२४

• Tags:

  # पाण्डवखानी मावि

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी