बुटवल,मङ्सिर ४ ।

मानव अधिकार  तथा  शान्ति समाज रुपन्देहीले अन्तर्राष्ट्रिय बाल अधिकार दिवसका अवसरमा बटुकहरुलाइ ब्लाङ्केट तथा सिरक प्रदान गरिएको छ ।बुटवल गोलपार्क  चिडिया खोलामा रहेको श्रीकृष्ण प्रणामी सेवा मन्दिरमा रहेका बटुकहरुलाइ ब्लाङ्केट,सिरक तथा मिठाइ प्रदान गरिएको हो ।

श्रीकृष्ण प्रणामी सेवा मन्दिरमा रहेका बटुकहरुलाइ समाजका केन्द्रिय सचिव मिना ढकाल,जिल्ला सभापति खिमप्रसाद भट्टराइ कृष्ण,उपसभापति कपिल ज्ञवाली, सचिव कृष्ण प्रसाद पाण्डे, कोषाध्यक्ष लिलाधर लुईटेल,सदस्य मोहनीलाल न्यौपाने,केशन पाण्डे, युवा बिभागका  संयोजक महेश पौडेल लगायतले  ब्लाङ्केट,सिरक तथा मिठाइ प्रदान गर्नुभएको हो ।

सो अबसरमा समाजका केन्द्रिय सचिव मिना ढकालले बालबालिकाको अधिकारका लागि सधै शान्ति समाजले भूमिका निभाइरहेको बताउनुभयो ।श्रीकृष्ण प्रणामी सेवा मन्दिरका  अध्यक्ष  घनराज पोख्रेलले शान्ति समाजले पुण्य काम गरेको भन्दै प्रशंसा गर्नुभयो । कार्यक्रममा रुपन्देही मिष्ठान्न तथा क्याटिङ व्यावसायिक संघका अध्यक्ष  लक्ष्मण पोखरेल,बुटवल उद्याेेग बाणिज्य संघका सचिव प्रतिक पाेखरेल,रुपन्देही डेरी ब्यवसायी समितिका अध्यक्ष रामकृष्ण पाैडेल,शान्ति समाजका सचिव कृष्ण प्रसाद पाण्डे,कोषाध्यक्ष लिलाधर लुईटेल लगायतले बोलेका थिए ।

आज ३४ औँ अन्तर्राष्ट्रिय बाल अधिकार दिवस विभिन्न कार्यक्रमका साथ मनाइँएको हो । संयुक्त राष्ट्रसङ्घको महासभाबाट सन् १९८९ को नोभेम्बर २० मा बाल अधिकारसम्बन्धी महासन्धि पारित भएको दिनलाई स्मरण गरी पक्षधर राष्ट्रले आजका दिन अन्तर्राष्ट्रिय बाल अधिकार दिवसको रुपमा मनाउँदै आएका छन्।

बालबालिकाको बचावट, संरक्षण, विकास, सहभागितालगायत विषय कार्यान्वयन गरी बाल अधिकार सुनिश्चिताका लागि अन्तर्राष्ट्रिय बाल अधिकार दिवस विश्वभर मनाइँदै आएको हो।

नेपालमा संयुक्त राष्ट्रसङ्घको बाल अधिकार महासन्धि, १९८९ का ४२ धारा सबै कार्यान्वयनमा छन्। यसमा बालबालिकाको सर्वोत्तम हित, अधिकार कार्यान्वयन, जीवन, बचाउ र विकास, पहिचानको संरक्षण, बालबालिकाको विचार तथा भावनको कदर, अभिभावकको दायित्व, सामाजिक सुरक्षा, बालश्रम, बेचबिखन, ओसारपसार र अपहरण, बालमैत्री न्याय लगायतका व्यवस्था छन्।

नेपालले संयुक्त राष्ट्रसङ्घको बाल अधिकार महासन्धि, १९८९ अनुमोदन गरेको ३३ वर्ष पूरा भएको छ। नेपालले २०४७ भदौ २९ गते उक्त महासन्धिलाई बिनाशर्त अनुमोदन गरी यसको सिद्धान्तअनुसार प्रतिबद्धता जनाएको थियो। महासन्धिका प्रावधानको कार्यान्वयनका लागि नेपालले संवैधानिक, कानुनी, नीतिगत, संरचनागत र कार्यक्रमगत व्यवस्था गरेको छ। 

सबै अवस्थाका बालबालिकाको आधारभूत आवश्यकता तथा अधिकार परिपूर्तिका लागि संवैधानिक, कानुनी र नीतिगत व्यवस्था रहेका छन्। नेपालको संविधानको धारा ५१ मा राज्यको नीतिअन्तर्गत बालबालिकाको सर्वोत्तम हितलाई प्राथमिकताको रुपमा लिइएको छ। धारा ३९ मा बालबालिकाको हकसम्बन्धी व्यवस्था गरिएको छ। बालबालिकाको लागि विशिष्टीकृत ऐनको रुपमा बालबालिकासम्बन्धी ऐन, २०७५ कार्यान्वयनमा छ।

नागरिक अनलाइन

लेखकबाट थप

• सोमवार, मंसिर ४ २०८००७:२४:०३

• Tags:

  # अन्तर्राष्ट्रिय बाल अधिकार दिवस # मानव अधिकार  तथा  शान्ति समाज रुपन्देही

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?