शुक्रवार, कार्तिक १७ २०८०

बुटवल–६ खयरघारीमा तस्करी गरिएको अवैध सामान फेला

नागरिक अनलाइन

957

बुटवल–६ खयरघारीमा तस्करी गरिएको अवैध सामान फेला

बुटवल,कार्तिक १७ ।

भन्सार छलेर ल्याएको अवैध सामान बुटवलको सडकमै छाडेर तस्करी गर्ने वेपत्ता भएका छन् । ईलाका प्रहरी कार्यालय बुटवलका अनुसार बुटवल–६ खयरघारी स्थित सडकमै मँगलबार बेवारिसे अवस्थामा अवैध सामग्री फेला परेको हो ।

भन्सार छलि अवैध पैठारी गरी ल्याएका खुद्रा तथा किराना समान ओसारपसार भई रहेको भन्ने गोप्य सुचनाको आधारमा प्रहरी टोली पुग्दा सडक किनारमा बेवारिसे अवस्थामा बोरा तथा कार्टुनहरु फेला परेको थियो ।

बोरा र काटुन खोलि हेर्दा बिभिन्न किसिमका मिठाईहरु फेला परेको हो । अन्दाजी मुल्य ३७ हजार ८०० मूल्य बराबरको खुद्रा मिठाई लगायतका सामग्री आवश्यक कारवाहीको लागि भैरहवा भन्सार कार्यालय पठाईएको प्रहरीले जनाएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)